هیڤیا خەندە كەركووكی چیە؟
سترانبێژ خەندە كەركوكی، د دیدارەكێ دا بۆ بەرپەرێ هونەری یێ رۆژناما ئەڤرۆ گۆت: نەبوونا كچا سترانبێژ گەلەك یا كێمە و دبینم ئەڤ چەندە ژی دزڤریت بۆ دابونەریتێن جڤاكی و گەلەك دێ یا كەیفخوەش بم كچ د هەر بوارەكی دا خوە ببینت و شیانێن خوە نیشان بدەت و ژبلی كارێ هونەری ژی فەرمانبەرم و بەرپرسا هوبا چاندنێ مە ل رێڤەبەریا چاندنا كەركوكێ و كاركرنا من دسترانێ دا حەز و خەونەكا زارۆكینی بۆ هەموو دەمان من بزاڤ دكر بگەهمێ و چ جاران من بۆ ب دەست ڤە ئینانا داهاتەكی كارنەكریە و نوكە ژی مژوولی كارەكێ نوی مە وەكو ستران و ل نێزیك دێ هێتە بەلاڤكرن.
خەندە خانێ گۆت ژی: سترانا دوقۆلی من یا هەی ل گەل سترانبێژ ئومێد شوانی و ئاگرین دلشاد و د گەلەك بەرنامە و چاڤپێكەفتنان ژی دا من سترانێن دوقۆلی گۆتینە ئێك ژوان ژی هونەرمەند لوقمان سەلیم بۆ و هیڤیا من ئەوە رۆژەك بهێت ل گەل هونەرمەند بەهجەت یەحیایی ژی سترانەكا دوقولی بێژم و گوهداریا هەموو سترانبێژێن دەڤەرا بەهدینان دكەم ب تایبەتی هەڤال ئیبراهیم و كاروان كامل و حەز دكەم سترانەكا دوقۆلی ل گەل ئەوان بێژم دێ یا خوەشحالبم.
