هیڤیا وی ئەوە ببیتە شێفەكێ بەرنیاس
سندس سالح سلێڤانەیی:
ئیبراهیم دیار، گەنجەكێ خەلكێ دهۆكێ یە، حەزژ چێكرنا خوارنان دكەت، ب تایبەت یێن سڤك و هیڤیا وی ئەوە ل پاشەرۆژێ ببیتە كەسەكێ بەرنیاس د بۆارێ چێكرنا خوارنان دا و ب گۆتنا وی ئەو دێ بەردەوام دووفچوونا چاوانیا چێكرنان خوارنان كەت.
ناڤهاتی دبێژیت: راستە ژیێ من یێ بچووكە، بەس هزرێن من د مەزنن و دڤی ژیێ خوە دا ئەز بزاڤێ دكەم خوارنێن ب تام و كوالێتی چێكەم، چنكو ئەڤە حەزا منا بەری چەندین سالان بوو، تشتێ گرنگ ل دەف من ئەوە پاقژی بەری هەر تشتەكی یە، دووڤدا تام و كوالێتی كو هەردو ژی گەلەك دگرنگن و نوكە من ژ خوارنێن سڤك یێ دەستپێكری، لێ ئەز یێ خوە بەرهەڤ دكەم دا هەمۆ جۆرێن خوارنان چێكەم و ئەز یێ ژ خوە پشت راستبم ل پاشەرۆژێ دێ بمە شێفەكێ بەرنیاس.
