هیڤیا وی ئەوە خوە ل بەهرەمەندان بكەنە خودان
سندس سالح سلێڤانەیی:
شێوەكار (شێروان حەسەن شاهین) د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ وێنەكێشانێ دكر و پشتی دەلیڤەی هاتی مە دەستپێكر و نوكە ب كارێ خوە یێ دلخۆشم و پشتەڤانێن سەرەكی ژی خێزان و هندەك هەڤالێن من بوون.
ناڤهاتی گۆت: ل دەستپێكێ من ژ كارێ باشنڤیسیێ دەستپێكر، دووڤدا سۆشیال مەدیا بەربەلاڤ بوو، من ب رێیا وێ وێنەچێدكرن و بەلاڤ دكرن، نوكە پتر حەزا من ل سەر خیچكێشانێ یە، ب تایبەت ژی چێكرنا وێنەیێن رەش و سپی كو بۆ چێكرنا هەر وێنەیەكێ كەسوكی ئەز پێدڤی ب بیست خولەكان هەتا نیڤ دەمژمێرێ مە و بۆ وێنەیێن مەزن ژی دو دەمژمێران و خەلكەك گەلەك حەزژێ دكەن، بۆ زانین هەموو جۆرێن وێنەیان كارتێكرن ل من دكەن، یێن رەنگاورەنگ، هەروەسا یێن رەش و سپی ژی، لێ ئەز پتر قەلەمێ ڕەش بكاردئینم، بۆ فرۆتنا وان ژی ب رێیا سۆشیال مەدیایێ داخوازا كڕینا وان ژ من دهێتە كرن و هیڤیا من ئەوە خوە ل بەهرەمەندان بكەن خودان.
