هیڤیا وی ئەوە سالا 2024 ببیتە سالا پێشڤەبرنا هونەرێ كوردی
شاكر ئەتروشی:
ب هەلكەفتا هاتنا سالا نوو (2024) ل حەفتیا بهێت سترانبێژ (محەمەد عەلی) دێ كلیپەكا نوو، وەك دیاری بۆ حەزژێكەرێن دەنگێ خوە بەلاڤكەت، دووڤدا دێ چیتە ئۆرۆپا و ب گێڕانا چەند ئاهەنگان پشكداریێ د ئاهەنگێن سەرێ سالێ دا كەت.
ناڤهاتی، كو خەلكێ پارێزگەها سلێمانیێ یە، بۆ رۆژناما ئەڤرۆ گۆت: سترانا منا نوو ب ناڤێ (خۆشم ئەوێی) ژ پەیڤێن من و ئاوازا سەركارە، ل وەلاتێ ئۆسترالیا هاتیە وێنەكرن، دێ وەك دیاریەكا بچووك پێشكێشی وان كەسان كەم یێن كو گوهداریا سترانێن من دكەن و پشتی ژ ئۆرۆپا ڤەدگەڕم دێ كاری ل سەر هندەك سترانێن نوو كەم و هیڤیا من ئەو سالا بهێت ببیتە سالا پیشڤەبرنا هونەرێ كوردی.
ناڤهاتی، ژ دایكبوویێ سالا 1979 یە، هەتا نوكە دوازدە ستران و هەشت كلیپ بەلاڤكرینە، ژبلی سترانگۆتنێ كارێ ناڤ ستۆدیۆیێ ژی دكەت.
