هیڤیا وی ئەوە كلتۆری زیندی بكەت
دلڤین رەشید:
سترانبێژ (ئەلێكسەندەر شاكر) د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ قەزا شێخانە،نوكە قوتابیە ل پەیمانگەها هونەرێن جوان و دژیەكێ بچووكدا حەزا سترانگۆاتێ ل دەف پەیدا بوویە، ژبەر هندێ چوویە پەیمانگەهێ دا ب شێوەیەكی ئەكادیمی بەردەوامیێ ب سترانگۆتنێ بدەت و خودان كلیپەكە ب ناڤێ (گەورێ) و كاری ل سەر هژمارەكا كلیپێن دی دكەت.
ناڤهاتی گوت: پتریا سترانێن من دەربڕینی ژ كلتۆرێ دەڤەرا شنگالێ دكەن و دخوازم ب شێوەیەكێ ئەكادیمی و سەردەمیانە ئەم وەك گەنجێن سترانێژ بشێین ڤی كلتۆری زیندی بكەین و ب پارێزین، ژبلی سترانگۆتنی من خوە فێری چەندین ئامیرەیێن مۆزیكی كریە، ژوانا (كەمان، ساز، پیانۆ ئۆرگ) و ب دیتنا من نوكە هونەرێ كوردی د ئاستەكێ باشدایە، بەلێ دخوازم جهێن شۆلەژێ پتر گرنگیێ ب گەنجێن بەهرەدار بدەن دا بشێن بەردەوامیێ ب كارێ خوە یێ هونەری بدەن.
