هیڤیا وێ ئەوە كلیپا وێ جهێ خوە بگریت
شاکر ئەتروشی:
نووترین كلیپا سترانبێژا دووری وەلات (ئەمەل سەعید كوردە) ل بن ناڤێ (شرینیەكەی تال، كچم شوو ئەكا) كو ژپەیڤێن (مازیار فایەق) و ئاوازا وێ یە، هاتە بەلاڤكرن و د بەرنامێ وێ دایە پشتی ڤێ كلیپێ هندەك بەرهەمێن دی چێكەت.
ناڤهاتی، كو ئەڤە چەند سالن ل وەلاتێ بریتانیا دژیت، د پەیوەندیەكا تەلەفۆنی دا بۆ رۆژناما ئەڤرۆ گۆت: سترانا من ژ دەرهێنانا (دیار مەهدی) یە و (كارزان كامیل) ب كارێ مۆزیكێ رابوویە، ناڤەرۆكا وێ ل هەستێ دایكەكێ یە كو كچا وێ شوو دكەت و ب من وەرە هەتا
نوكە بابەتێن بڤی رەنگی د ئەدەبیاتا كوردی دا بەحسێ ڤی بابەتی، ئانكو پەیوەندیێن دناڤبەرا كچێ و دایكێ بب تایبەت پشتی شوو دكەت ب روونی نەهاتیە كرن، یانژی د هونەرێ كوردی دا نە بوویە ستران، لەورا من ڤیا سترانەكا جودا بیت و هیڤیا من ئەوە ئەو كەسێن گوهداریا ڤێ سترانێ دكەن ب دلێ وان بیت.
