هیڤیێن پەیڤان هاتە بەلاڤكرن
شاكر ئەتروشی:
پرتووكا (هیڤیێن پەیڤان) یا هەلبەستڤان (محەمەد رەشید نسری) دوهی ئێڤاری د چالاكیەكا تایبەت دا ل هولا سەنتەرێ پێشمەرگە یێ رەوشەنبیری ب ئیمزا هەلبەستڤانی ب دیاری ل سەر بەرهەڤبوویان هاتە بەلاڤكرن.
بەری ئیمزاكرنا وێ پرتووكێ هەلبەستڤان(محەمەد رەشید نسری) پرتووكا خوە بۆ بەرهەڤبوویان دا نیاسین و بەحسێ سەربۆرا خوە دگەل نڤیسینا هەلبەستێ و چاوانیا ئامادەكرنا ڤێ پرتووكێ كر و چەند هەلبەستەك ژێ خواندن، پرتووكا (هیڤیێن پەیڤان) ژ (149) بەرپەران پێك دهێت و هەلبەستێن هاتینە بەلاڤكرن ئەڤینی و وەلاتپارێزی و رەخنەیی یە، ب كولیتیەكا باش و دیزاینەكا باش هاتیە چاپكرن.
