هیڤی
سەگڤان ئیسماعیل
دەم گەهشتبوو ئارامییا ناخی، هەمی بێ دەنگ بوون، بتنێ دەنگێ لڤینا چكچكا دەمژمێرێ دهات گوهی، بەرەڤ ئاڤابوونا هزرا دا دچوو. هێدی هێدی بیرهاتنێن كەڤنار دهاتن بیرێ، هەر وەكی ڤەگێڕانا مێژوویێ دناڤ پەرتووكێن تۆز گرتی دا هیڤی دكرن بگەهیت ئارمانجا خوە یا بەرزەبووی ل دەمێ بهارا خوە ئەوا هنداكری ل دەمێ ئازراندنا گەهشتنا حەزان دا. هەر دەم هزر دكر د مێشكێ خوە دا دێ كەنگی بیت ئەلند، هەر ژ بەر ئەڤێ چەندێ دلێ وی دگۆت: ئەڤ شەڤە یا ڕەنگ ڕەشە ما دەم نەهات، بگەهیتە هیڤییا بهارا گەهشتنا حەزا و هیڤییا ژبەری هەبوونا ناخێ خوە. پشتی چەند هزرێن كویر خەوێ پەردەیێن خوە دادان ل سەر ئەوان هیڤییان ئەوێن كو بۆ وان دژییا. هێدی هێدی ئەو هزرە هەمی بەرەڤ ئاسمانا ڤە چوون، ڕەڤین بەرەڤ ئازادییا خوە چوون، ناخ هێلا د گۆشە نیگایا ئێكێ دا، مزگینیا ڕۆناهیێ هات، لێ مزگینی مزگینییا بێ ئومێدیێ بوو، تنێ بوون بوو، ڕەنگڤەدانا هەبوونا هیڤییان بوو.
