هیڤی
سامی سەلیم
كانێ تو كیڤە چووی..؟
ئەی هیڤیا مە یا جان
نە پێژنا تە دهێت
نە تە شینوار مان
پیراتی زوو بوو مێهڤان
ژدەستدانا تە دەردە
بێ تە چەند خاڤە ژیان
دل خەریبە
ب گازندەیە
هەڤالێ خەمێن گران..
سەرانسەر رۆژ و سالان
گیانێن مە ب بێ دەنگی گریان..
ژیانا مە بوو
خەونەك فالنجی
د هزران دا
بێ هزر مان..
هزار پرسیارێن قەرسی
ل بەر دەرگەهێ چاڤەرێبوونێ
چاڤزلكانێ دگەل چارەنڤیسی دكەن
پێشبینییەكێ دئینن ئێكا دی دبەن
هزار پرسیار
یا ئێكێ: گەنگییە ژڤان؟
و یا دوماهیێ:
گەنگییە ژڤان؟
