هێرشا BitB د ناڤا وێبگەڕێ (Browser) تە دا چییە و دێ چەوا خۆ ژێ پارێزی؟
پشتی مە دیارکری کا هێرشێن BitB چنە، دێ باس ل هندێ کەین کا دێ چەوا خۆ پارێزی. ئارمانج ئەوە تو نەبییە قوربانییا ڤی جۆرێ گەفێن ئەولەهیێ، یێن کو دبیت پێزانینێن تە یێن کەسی و کۆنترۆلا تە لسەر ئامیرێ تە د ناڤ ئینتەرنێتێ دا بێخنە د مەترسیێ دا.
دەمی تو دچییە د ناڤ ئەکاونتێ خۆ دا (Login)، یا فەرە تو بخۆ ناڤێ سایتێ (URL) بنڤیسی دا بگەھییە ئیمێلێ خۆ، یان ئەکاونتێن تورێن جڤاکی، یان هەر پلاتفۆرمەکا دی. ئاگەهدارێ وان پەنجەرێن ڤەکری (Pop-up windows) بە یێن کو وەک یێن ڕاستی دیار دبن بەلێ د ساختەنە. تو دشێی تاقی بکەی و وان پەنجەران بلەڤینی دا پشتراست ببی کا ب ڕاستی د ناڤا وێبگەڕێ تە دانە یان نە.
هەروەسا یا فەرە تو تایبەتمەندییا «پەسەندکرنا دوو-قۆناغی» (Two-factor authentication) ل سەر هەمی ئەکاونتێن خۆ کارا بکەی. ئەڤە وەک بەربەستەکێ بەرگریێ یێ ب هێزە دژی هێرشێن فێڵبازیێ (Phishing). هەتا ئەگەر کەسەک بشێت پاسوۆردێ تە ژی بدزیت، دێ پێدڤی ب پێنگاڤا دویێ بیت دا بشێت بچیتە د ناڤ ئەکاونتێ تە دا. لەوما، هەر دەمێ بشێی ڤێ تایبەتمەندیێ کارا بکە.
بێگومان، یا گرنگە تو وێبگەڕێ خۆ بەردەوام نوو بکەیەوە (Update). د گەلەک جاران دا، هاککەر مفای ژ کێماسیێن (Bugs) د ناڤ پرۆگرامان دا وەردگرن. بکارئینانا نویترین وەشان (Version) دبیتە ئەگەرێ چارەسەرکرنا ڤان کێماسییان و ناهێلیت هێرشبەر مفای ژێ وەربگرن.
ب کورتی، هێرشێن BitB کێشەکا مەترسیدارن، چونکی دبنە گەفەک کو دبیتە ئەگەرێ دزینا پاسوۆرد و پێزانینێن تە یێن کەسی. لەوما، یا فەرە بەردەوام وێبگەڕێ خۆ نوو بکەیەوە و خۆ ژ شاشیان بپارێزی.
