هێرشێن چەكداری بۆ سەر هۆتیلا لالەزار گەشتوگوزاری ل سلێمانیێ بەر ب نەمانێ ڤە بر
كاروان عزددین تاها
باژارێ سلێمانیێ ئێكە ژ باژارێن هەرە فینك ژبۆ گەشتوگوزاریێ كو سالانە پتریا گەشتیاریێن سەرەدانا هەرێما كوردستانێ دكەن رێژەكا زۆرا وان گەشتیاران بۆ باژارێ سلێمانیێ دچن، بەلێ هەر ژ ٨ تەمموزا ٢٠٢١ كو هەر دیسا ناكۆكیێن حزبی یێن وێ دەڤەرێ كەرتێ گەشتوگوزارێ هێدی هێدی كێم بوو هەتا كو بەری چەند رۆژان، ئەو هێرشا ل سپێدەهیا ٢٢/٨/٢٠٢٥ كو چەكداریێن ئێكەتیێ كریە سەر هۆتێلا لالەزار ل باژێرێ سلێمانیێ، ل دژی لاهۆر شێخ جەنگی سەرۆكێ حزبا بەرەی گەل وەك حزبەكا ئۆپۆزسیۆن كاردكەت، سێكتەرێ گەشتوگوزاریێ ل سلێمانێ بەر ب نەمانێ ڤە بری. ئەز باوەرم هەر ژ وێ رۆژێ وەرە هەر هۆتێلەك ل سلێمانیێ ژ لایێ گەشتیاریێن ناڤخۆی و ژ دەرڤەی هەرێمێ ئەو هۆتیل ب خۆ (حەجز) كربیت، لێ پشتی وی شەڕێ ل سلێمانیێ چێبووی كو ترس كەتیە دلێ گەشتیاران، ژ بەر ڤێ چەندێ ئێدی گەشتیار نەوێرن و نەیێ نەچارە گەشتێ بكەن بۆ وی باژێری، ژ بەركو وەرزێ گەشتوگوزاریێ یە هەر وێ شەڤێ هۆتیل و مۆتێل و جهێن گەشتیاری ل سەرچنار تژی بوون، ژبەر ترسا وی شەڕی پتریا گەشتیارا هۆتیلین خۆ (cancel ) كرینە ئانكو هەلوەشاندینە، چونكو گەشتیار یێ نەچار نینە بچیتە دەڤەرەك نەئارام یان ژی خۆشییا خۆ تێكبدەت و ژیانا خۆ و زارۆیێن خۆ بێخیتە د مەترسیێ دا، هەر دیسا هەمی جهێن گەشتیاری و خوارنگەه و هۆتیل و مۆتیل و گوندێن گەشتیاری ل سلیمانیێ بەر ب گرتنێ ڤە، دچن ژبەر نەچوونا گەشتیاران، ئەگەر هەر ئەڤ كاریێن هۆسا بەردەوام بن ل سلێمانێ، ئەز باوەرم دێ كەرتێ گەشتوگوزاری ل سلێمانیێ ب ئێكجاری ژكاركەڤیت، هیڤییە ب زویترین دەم سلیمانی بزڤریت وەك باژاڕێ رەوشەنبیریێ. ژبەركو ئەڤ وەرزێ هاڤینێ وەرزێ گەشتوگوزاریە ل هەرێما كوردستانێ ب گشتی و تایبەت سلێمانیێ، بەردەوام گەشتیارین زۆر دهاتنە وی باژێری، هەتا رۆژا كو هێرشا سەر هۆتیلا لالەزار رویدای، ژمارەیا گەشتیاران ب رێژەكا مەزن هاتە خار و ئەوێن كو دڤیان هەفتیا بهێت دا سەرەدانا باژارێ سلێمانیێ بكەن هاتنە هەلوەشاندن چونكو پتریا وان گەشتیاران ژ باشۆر و ناڤەراستا ئیراقێ دئێن و رێژەكا دی ژی ژ دەرڤەی ئیراقێ دئێن وەك ئیرانێ و دەولەتێن دەوروبەر، ژبەر ڤێ چەندێ زیانێن مەزن ب هۆتێل و مۆتیل و خوارنگەه و كافیتریا و گوندیێن گەشتیاری كەتینە ل وی باژاری، بێگومان پشتی وێ چەندا ل سپێدەهیا ٢٢/٨/٢٠٢٥ رویدای، ئەز باوەرم دێ گەلەك ژ وان نڤیسینگەهێن ڤەگوهاستنێن گەشتیاران هۆتیل و مۆتیلین خۆ ئەوێن بۆ وێ حەفتیێ (حەجز) كرین دێ هەلوەشینن و سەرەدانا باژێرێ سلێمانیێ ناكەن، ئەڤە دێ بیتە زەرەر و زیان بۆ كەرتێ گەشتیاری ل وێ پارێزگەهێ، چونكو ئەڤ كێشەیێن ناڤخۆی ب رێكین قانوونی دئێنە چارەسەركرن، نەك ب تانك و زریپۆش و تۆب و درۆنان، ئەڤە دێ ترسەكا مەزن پەیداكەت، هەر وەك چاوا وەلاتەك وەك سووریا كو دەولەمەندە ب سروشتێن خۆ بۆ گەشتوگوزاریێ، ژبەركو دەولەتەك شەڕ تێدایە رێژەیا گەشتیاران ئەڤە ژ ٢٠١١ وەرە (سفر)ە، ئەڤجا ئەز دبینم ئەگەر باژارێ سلێمانیێ بەردەوام بیت و ترس ل دەف خەلكێ و گەشتیاران پەیدا بیت، ئێدی تشتەك ب ناڤێ گەشتوگوزار ل باژێرێ سلێمانیێ نامینیت ل دوماهیێ هیڤییە ئەڤ ئاگرە ب زویترین دەم ل باژارێ سلێمانیێ بڤەمریت و سلێمانییا جاران بڤەگەریێتەڤە.
