هێزێن ئیرانێ د ئامادەباشیێ دانە و ئەمریکا هۆشداریێ ددەت
محەمەد باقری سەرۆک ئەرکانێ ئیرانێ راگەهاند هەموو هێزێن وان یێن سەربازی نها د ئامادەباشیێ دانە، ئەو دێ ب توندی بەرسڤا ئێرشا ئسرائیلێ یا ل سەر بالیۆزخانا ئیرانێ ل شامێ دەن، ڤێجارێ دێ ئیران دربەکا کۆژەک ل ئسرائیلێ دەت و نها هەموو بەرهەڤی ژی هاتینە کرن.
ل ئالیێ دی سەرۆک وەزیرێن ئسرائیلێ ژی راگەهاند، هەکە ئیرانێ بڤێت زیانێ بگەهینتە ئسرائیلێ، ئەو ژی وەکو ئسرائیل دێ ب هەموو شیانێن خوە بەرسڤا ئیرانێ دەن.
ل ئالیێ دی وەزارەتا دەرڤە یا ئەمریکا ژی راگەهاند، ئیرانێ دڤێت ب رێیا فرۆکێن بێ فرۆکەڤان ئێرشی هندەک جهان ل ئسرائیلێ بکەت، هەکە تشتەک وەسا روو بدەت دێ دەڤەرا رۆژهەلاتا ناڤین بەر ب شەڕەکێ نوو ڤە چیت، ئەو یەک دێ ئەنجامێن خوە یێن گەلەک خراب بۆ هەموو دەڤەرێ هەبیت، ژ بەر ڤێ یەکێ ژی باشترە ئیران هزر د کارەکێ وەسا دا نەکەت، چونکی ئەو یەک د بەرژەوەندیا ئیرانێ دا نینە.
