هێزێن توركیا به‌رپرسه‌كێ مه‌زنێ داعشێ ده‌سته‌سه‌ركر
ئه‌ڤرۆ نیوز:
هێزێن ئه‌منی یێن توركیا به‌رپرسه‌كێ مه‌زنێ داعشێ ل باژێرێ ئیناگولی سه‌ر ب بورسه‌یا رۆژئاڤایا توركیا گرتن.
ئه‌ڤرۆ ئاژانسا ئه‌نادولێ یا توركیا به‌لاڤكریه كۆ هێزێن ئه‌منی ب هه‌ماهه‌نگی ل گه‌ل پشكا دژه تیرۆرێ ئه‌بو ته‌قی شامی وه‌لاتیێ سوری ده‌سته‌سه‌ركر كۆ به‌رپرسێ چالاكیێن هه‌والگریا رێكخراوا داعشێ بوو.
هێزێن ئه‌منی 3 كه‌س ده‌سته‌سه‌ركرن كۆ دئوپراسیونه‌كێ دا كۆ گۆمانا ئه‌وێ چه‌ندێ ژێ دهاته‌كرن سه‌ر بداعشێ بن، به‌لێ ئه‌بو ته‌قی شامی یێ 50 سالی به‌رپرسێ بلندێ داعشێ بوو ل ده‌ڤه‌را مه‌یادین و ئه‌لبوكه‌مال و دێره‌زوور ل رۆژهه‌لاتا سوریا ، كۆ ل باژێرێ ئیناگول هاته‌گرتن و كارێ وه‌ستایا چێكرنا غازا مالان ل وێ ده‌ڤه‌رێ دكر.
