هێشتا حەفت هزار چەکدارێن داعشێ ل عێراقێ ماینە
ئەڤرۆ نیۆز،زنار تۆڤی:
ئاژانسا (ئه‌سوشیتد پرێس) دیارکریە کو به‌رپرسێن هه‌والگیرا عێراقێ و وه‌زاره‌تا به‌رەڤانیێ بەلاڤکریە کو نێزیکی چار هزار چه‌كدارا و سێ هزار ئه‌ندامێن پشتەڤانیا رێكخراوا داعش ل عێراقێدا ماینە،هەڤدەم نێزیكی حەفت هزار و 500 چه‌كدارێن داعش و پێنج هزار ئه‌ندام و لایه‌نگر ل سووریێ ژی هەنە.
حه‌یده‌ر عه‌بادى سه‌رۆك وه‌زیرێن عێراقێ ل 10 ته‌موزا 2017،پشتی حه‌فت هەیڤێن ژ ده‌ستپێكرنا ئۆپه‌راسیۆنێ،تەماما رزگاركرنا باژێرێ مۆسلێ راگه‌هاند.
هەروەسا ل دو رۆژان پشتی هنگێ ستیڤن تاوتسیند،فه‌رماندێ هەڤپه‌یمانێن نێڤده‌وله‌تى ل دژی داعشێ گۆتیە: شه‌رێ داعش ل عێراقێ ب دوماهی نەهاتیە،چونكی هێشتا چه‌كدارێن وان دناڤا باژێرێ مۆسلێ دا ماینە،لەوما پێدڤیە ئه‌و چه‌كدارە ژی بهێنە ژناڤبرن،بەری هێرشێ بکەنە سەر خەلکی.
وه‌زاره‌تا بەرەڤانیا ئه‌مریكا، پێشتر دیارکریە،کو شه‌رێ ل عێراق و سووریێ هژمارا چه‌كدارێن داعشێ بۆ 15 هزار چه‌كداران کێمکرینە،کو پێشتر ل 2014 زێدەتر ل 31 هزار چه‌كدارا بوون.
دیسا به‌رپرسێن هه‌والگیریا عێراقێ گۆتیە،کو ئه‌بو به‌كر به‌غدادى،هەتاکو نوکە یێ ساخە، هەروەسا: كوشتنا به‌غدادى دڤی دەمیدا دێ ڤێ رێکخراوێ زیندی کەتەڤە، لەورا پێدڤیە ل دەستپێکێ ئەو بهێنە کوشتن،یێن کو كاندیدن بۆ جهێ وی،داکو رێک نەهێتەدان ئەڤ رێکخراوە جارەکادی زیندی ببیتە ڤە.
