هێشتا زوی بوو
خورشید توفیق باكۆزی
دیاری بۆ میدیاكار و رۆژنامەنڤیسێ خودێ ژێ رازی
(ئیسماعیل تاهر جانگیر)
ئەڤە هێشتا
ژمنڤە خەونە و ئەڤە نە توی
دتاودە دەلنگ و دگێلەشۆكا
شەڤێ وەربووی ..
من باوەرە نە شەڤ و
نەژی شلقێن شویمێن شەڤێ
نكارن تە دناڤ گەهێن
خۆدا ب پێچن ..
حەز و پەیام و هیڤیێن تە
دكینا خویا گەمارگرتی دا ب هنگێڤن
تە د دوورگەها ئوغرێ دا رارەڤێت و
ژمە دووركەتن ..
تە لبەرچاڤێن مە هنداكەت ..
باوەرناكەم . ژبەركو تو
دقیبلەگەها رۆناهیێ دا
شەیدایێ شەوقا رۆژێ بووی
ژ (ناخێ دل)
تو دلەكێ دل گراڤی و
دل مەزن و دلۆڤان بووی ..
تو ئارامی و مرۆڤاتی و
هەڤال و پێكڤە ژیان بووی
دل ڤیان بووی ..
مێژوو ڤانۆ ..
هەموو گوڤارو رۆژنامە
شاكار و میدیا و ئەفسانە
د دل لۆرینن تەژبیرناكەن
دێ ناڤێ تە ..
رەنگ و سیما و گرنژین و
سوحبەتێن تە
مینا شاهێ رۆناهیێ ..
مینا ستێرا گلاڤێژێ
ددلێ خۆدا دێ تە بەرز و
بلند راكەن ..
بەلێ «رەیس» هێشتا زوی بوو
ژمنڤە خەونە و ئەڤە نە توی ..
ل پاشخانەیا بیردانكا تە
هێشتا گەلەك ویستگە مابوون
پەرتووك نامە و
پەرتووكخانا بەدرخانیا و بەدرخانی و
چل رێسایێن عشقا رومی و
چەندین مژارێن ژیانێ
لبەندا تە بوون ..
گەلەك بشكۆژ دباغێ عشق و
هزراتەدا ژنودا ڤەدبوون ..
دهۆكیۆ هێشتا زوی بوو
جانێ تە شاد
دهۆكا تە دسینگێ تەدا
ژگوندەك بچویك
ببوو باژێرەكێ مەزن
تە پەیاما خۆ ژدل گەهاند
لەورا دهۆك و دهۆكی
تەڤدا بووتە ددلگرانن ..
ب خەم و ژانن ..
ل ئارامگەها ئارامیا تە
بۆ تە دارا ژیانێ چاند..
بۆ تە دارا ڤیانێ چاند..
