هێشتا فالێنج مه‌ترسیه بۆ سه‌ر زارۆیان
ئه‌ڤرۆ نیۆز، قائید میرۆ
رێڤه‌به‌رێ نه‌هێلانا فالنجا زارۆیان ل رێكخراوا ساخله‌میا جیهانی ئاشكراكر، هێشتا فالنجا زارۆیان مه‌ترسیه بۆسه‌ر زارۆیێن رۆژهه‌لاتا ناڤین و مه‌زنترین هه‌وا ڤاكسیندانێ هاتیه ئه‌نجامدان.
كریس ماهر رێڤه‌به‌رێ به‌رنامێ نه‌هێلانا فالنجا زارۆیان و نه‌خۆشیێن شنشكێ ڤه ل رێكخراوا ساخله‌میا جیهانی ب ئه‌ڤرۆ نیۆز راگه‌هاند” هێشتا مه‌ترسی فالنجابوونێ لسه‌ر زارۆیان ل رۆژهه‌لاتا ناڤین هه‌یه، ژبه‌ركو فالنجابوونا 36 زارۆیان ل سووریا و دو زارۆیان ل هه‌یڤا چریا ئێكێ یا سالا 2013ێ ل عێراقێ مه‌ترسیێن به‌لافبوونا فالنجا زارۆیان زێده‌كریه و لایه‌نێن ساخله‌می 70 هه‌وێن كوتانێ ئه‌نجامداینه و ب مه‌زنترین هه‌و دهێنه هژمارتن، كو تێدا زێده‌تر ژ 200 هزار دۆلپ دژی فه‌له‌جێ داینه زێده‌تر ژ 27 ملیۆن زارۆیێن ته‌مه‌نێ وانا خوار پێنج سالیێ.