هێلا غازێ بۆ ویستگهها كواشێ دێ هێته راكێشان
ههولێر، قائید میرۆ:
بریكارێ وهزارهتا كارهبێ ئاشكرا كر، وهزارهتا كارهبێ ل بهندا وهزارهتا سامانێن سرۆشتیه بۆ راكێشانا هێلا غازێ ژ بۆ ویستگهها كواشێ و دبێژیت: دووماهیا ڤێ ههیڤێ 500 مێگاواتێن كارهبێ ل ویستگهها بازیان دێ زێده بن.
كامل قهزاز، بریكارێ وهزارهتا كارهبێ یا حوكمهتا ههرێما كوردستانێ بۆ رۆژناما ئهڤرۆ دیار كر، ویستگهها كواشێ یا بهرههمئینانا كارهبێ ل دهۆكێ شیانێن بهرههمئینانا هزار مێگاواتێن كارهبێ ههنه، بهلێ سیاسهتا وهزارهتا كارهبێ ئهوه، كو نهشێت ب گازێ كار ب پڕۆژێ كواشێ بكهت و ئهڤه ژه یا بوویه ئاریشه و گۆت: “وهزارهتا سامانێن سرۆشتی ل بهره هێلا غازێ بۆ ویستگهها كواشێ رابكێشیت و ئهگهر ئهڤه سهربگریت و بهرههمێ غازێ بهێته زێدهكرن، بێگومان ئهو هزار مێگاواتێن كارهبێ یێن ویستگهها كواشێ دێ هێنه بهرههمئینان و كهڤنه د خزمهتا وهلاتیان دا، بهلێ ب گازێ ئهم نهشێین ویستگهها كواشێ بدهینه كاری بۆ بهرههمئینانا كارهبێ”.
كامل قهزاز ئاماژه ب وێ چهندێ ژی كر كو د دهمێ نوكه دا كار ل سهر دو پڕۆژێن ستراتیژی یێن بهرههمئینانا كارهبێ دهێته كرن و گۆت: “ل دووماهیا ڤێ ههیڤێ 500 مێگاواتێن كارهبێ ل ویستگهها بازیان دێ زێده بن و كهڤنه د ناڤا تۆڕا نیشتیمانی دا بۆ بهلاڤكرنا كارهبێ و پڕۆژهیهكێ دی ژی ههر ل دهڤهرا بازیان ههیه ل سنوورێ پارێزگهها سلێمانیێ، ئهو ژی دێ ل دووماهیا سالا داهاتی تهمام بیت و 500 مێگاواتێن كارهبێ بهرههمئینیت”.
