هێلا كاره‌بێ بۆ سێ گوندێن ده‌ڤه‌رداریا ئامێدیێ دهێته كێشان
ئامێدیێ، مه‌حمود نهێلی:
ب مه‌ره‌ما پتر خزمه‌تكرنا خه‌لكێ ده‌ڤه‌رێ دو پڕۆژه ژ بۆ دابینكرنا كاره‌بێ بۆ سێ گوندێن ده‌ڤه‌داریا ئامێدیێ ب دووماهی هاتن.
ئه‌ندازیار ئارام جلال، رێڤه‌به‌رێ به‌لاڤكرنا كاره‌با ده‌ڤه‌رداریا ئامێدیێ بۆ رۆژناما ئه‌ڤرۆ دیار كر، هێلا كاره‌بێ بۆ سێ گوندان هاته كێشان و گۆت: “هێلا كاره‌با نبشتمانی بۆ گوندێ به‌ركه‌ڤرێ ل ناوچه‌داریا چه‌مانكێ ب گوژمێ 75 ملیون و 994 هزار دیناران هاته راكێشا و هێلا كاره‌با گوندێن گه‌له‌كا و مه‌هیدیێ ل ناوچه‌داریا دێره‌لۆكێ بۆ سه‌ر فیده‌رێ به‌رچی یێ شه‌ڤێ، كو ل گوندان دهێته بكارئینان هاته ڤه‌گوهاست ب گوژمێ 40 ملیون و 200 هزار دیناران”.
