هێوەر مستەفا سۆزێ ددەتە پشتەڤانێن یانەیا ئاكرێ
رەمەزان زەكەریا
د دیدارەكا رۆژنامەڤانی دا هێوەر مستەفا راهێنەرێ نوو یێ تیما فوتبۆلا یانەیا ئاكرێ گۆت: سۆزێ ددەم تیمەكێ دروست بكەم هەموو پشتەڤانێن وێ شانازیێ ب یانەیا خوە بكەن، ئەڤچەندە هات پشتی یانەیا ئاكرێ بۆ وەرزێ نوو یێ 2025-2016 گرێبەستا دگەل ئیمزاكری بۆ وەرزێ نوو یا خولا پلا نایابا كوردستانێ.
هێوەر مستەفا گۆتژی: دێ چەند یاریزانێن گەنج یێن یانەیێ بۆ تیما ئێكێ یا پشكدار د خولا نایاب دا دەستنیشان كەین و سەر ئێخین، هەروەسان دگەل دەستەیا پشتەڤانێن یانەیێ دێ كۆمبین ژبۆ وەرگرتن و دانۆستاندێ ل سەر جوانیا پشتەڤانیێن یانەیێ ئاكرێ بۆ هەمووان نیشان دەین.
پێشتر كارگێریا یانەیێ بۆ رۆژناما ئەڤرۆ گۆتبوو: ئەڤسالە ل وەرزێ نوو دێ بزاڤێن دوبارە ب دەستڤەئینانا ناسناڤێ خولا نایاب كەین ب سەر پەرشتیا راهێنەر هێور مستەفا.
بۆ زانینیانەیا ئاكرێ یا وەرزشی وەرزێ 2023-2024 ناسناڤێ خولا نایابا كوردستانێ ب دەستڤەئینا و شیا بگەهیتە یاریا دووماهیا كۆپا كوردستانێ،ل سەر دەستێ یانەیا هندرین تووشی شكەستنێ بوو پارێزگاری ل رێزا دوێ كر، ل وەرزێ 2024-2025 ل خولا نایابا كوردستانێ ل ژێر سەرپەرشتیا راهێنەر هەژار سابر نەشیا بگەهیتە ناسناڤێ خولێ و مانەڤەیا خوە پاراست ل خولا نایاب .
