هەبوو نەبوو
زوهێر كورەماركی
من دلبەرەكا نازو جوان هەبوو
رەنگێ چیا ل دێمی بوو
رێزان و خانەدان بوو
شرینا سەر زارێ من بوو
من دڤیا من دڤیا !
جوانیا وێ گول دباراندن
هیڤیا خۆ ب بەژنا وێڤە دهەژاند
باپیرێ من دارا خوازگینیێن وێ
لەقاندبوو
ئارمانجێن من بكەزیێن وێڤە
تلۆڤەبوون
ئەو ئەڤینا دلێ من بوو
رۆناهیا چاڤێن من بوو
هەبوون و نەبوونا من بوو
من دڤیا من دڤیا
دارا بەژنا وێ یا ب خەمل بوو
وەلێ چ جارا بەر پێڤە نەدهات!
هرەبای و رەشەبایا گەلەك لێددا
كرمێن وێ ژ ئاخا رهێن وێ بوو
لێ هەر من دڤیا و دڤیا
دز و گەندەل چویچكا ویتانی بوون
هەمی رەنگێن جوان ژ دێمی برن
خەون و هیڤی دسینگێ وێ دا
كرنە ئاگر و گوڕی و پەل
ب خەمل و خێز و جوانیا وێڤە
ب كراس و كورتەكێن ویڤە
سێدارە دا، سێدارە دا.
