هەتا سیاسەتا ئەردۆگان ل هەمبەر کوردان نەهێتە گوهۆڕین دەمیرتاش ئازاد نابیت
ئەڤرۆ نیۆز، هۆشەنگ تاجر:
زانا سەزەن نوونەرێ پارتیا ماف و ئازادیان ل هەرێما کوردستانێ بۆ ئەڤرۆ نیۆز دیار کر کو هەرچەندە دادگەها مافێ مرۆڤان یا ئورۆپا داخوازا ئازادکرنا دەمیرتاشی کربوو و ئەڤرۆکە سەندیکا پارێزەرێن تورکیا ژی هەمان داخواز ژ حوکمەتێ کر، لێ ئەز باوەر ناکەم کو تورکیا نها دەمیرتاشی ئازاد بکەت و گۆت: (بابەتێ دەمیرتاشی گرێدایی سیاسەتا ئەردۆگانی یا ل هەمبەر کوردانە، هەتا کو سیاسەتا ئەردۆگان ل هەمبەر کوردان نەهێتە گوهۆڕین ئەز باوەر ناکەم دەمیرتاش ژی بهێتە ئازادکرن).
ناڤهاتی ئەو یەک ژی دیار کر کو نها هەڤپەیمانیا ئاکپارتیێ و مەهەپێ ل سەر بنەمایێ دژبەریا کوردان هاتیە ئاڤاکرن و ژ بەر هندێ ژی گۆتارا ئەردۆگانی ل دژی کوردان دژوارتر لێ هاتیە و گۆت: (هەکە قۆناغەکا دی یا چارەسەریێ ل تورکیا دەستپێ بکەت یان هندەک گوهۆڕینێن نوو دروست ببن رەنگە وی دەمی نە تنێ دەمیرتاش بەلکو گەلەک گرتیێن دی ژی بهێنە ئازادکرن).
