هەتا نوكە 29 پرۆژەیێن وەبەرهێنانێ ل زاخۆ هاتینە چێكرن
لەزگین جوقی
رێڤەبەرێ گشتیێ وەبەرهێنانێ ل ئیدارا سەربەخۆیا زاخۆ راگەهاند، چوار ساڵن زاخۆ بوویە ئیدارا سەربەخۆ، هەتا نوكە 29 پرۆژێن وەبەرهێنانێ هاتینە چێكرن كۆ ئەنجامێ گرنگی پێدانا حكوومەتا هەرێما كوردستانێ ب ئێدارا سەربەخۆیا زاخۆ د ماوێ چوار سالاندا مە شیایە كارەكێ مەزن د وارێ وەبەرهێنانێ دا بكەین».
جگەرخوین تاهر عەبدی، رێڤەبەرێ گشتیێ وەبەرهێنانێ ل ئیدارا سەربەخۆیا زاخۆ راگەهاند، دەمێ زاخۆ بوویە ئێدارا سەربەخۆ پلانەك هاتە دانان بۆ سەرنجراكێشانا وەبەرهینەران بۆ زاخۆ ل دەستپێكێ رۆتین هاتە كیمكرن و پلانەكا بهێز دگەل وەبەرهێنەران هاتە دانان ماوێ چار سالێن بەرێ بنیاتێ بۆ هژمارەكا پرۆژەیێن وەبەرهێنانێ هاتیە دانان ژ وانا ژی ئوتێل و جهێن گەشتیاری و ساخلەمیێ و ئاكنجیبوونێ و وەرزشی و پەروەردێ ئەڤ پرۆژە هندەك هاتنە بجهئینان و هندەك ژی د وارێ بجهێنانێدانە و هژمارەكا دی ژ پرۆژەیان دێ هێنە راگەهاندن وعەرد ژی هاتیە تەرخانكرن بۆ پرۆژەیێن وەبەرهێنانێ «.
تەكەز كر، د چوار ساڵاندا ب كوژمێ 54 ملیۆن دولاران وەبەرهێنان ل زاخۆ هاتیە كرن كۆ 20 پرۆژێن مەزن وەبەرهێنانێ هاتبنە چێكرن، نوكە بەرێ بنیاتی بۆ 9 پرۆژێن وەبەرهێنانێ ب گوژمێ 460 ملیۆن دولاران هاتیە دانان و دەرفەتێن كاری بۆ نێزیكێ هزار كەسان هاتینە رەخساندن بووینە خودان كار ب رێیا پرۆژێن وەبەرهێنانێ.
جگەرخوین تاهر عەبدی گۆت ژی: سەدان پرۆپوزل بۆ چێكرنا پرۆژێن وەبەرهێنانێ گەهشتینە مەیە كۆ گەلەك وەبەرهێنەر قەستا زاخۆ دكەن بۆ چێكرنا پرۆژێن وەبەرهێنانێ ئەم كار دكەین بۆ چێكرنا مەزنترین پرۆژێن وەبەرهێنانێ ل زاخۆ نوكە چەندین پرۆژە دقوناغێن بجهئینانێدایە وچەندین پرۆژە دقوناغێن گەنگەشی دانە بۆ چێكرنێ .
تەكەز كر، ئەو پلانا وەبەرهێنانێ یا بۆ ئیدارا سەربەخۆیا زاخۆ هاتیە دانان گهۆرینەكا گەلەك مەزن ل زاخۆ پەیداكریەو سەدان پرۆژەیێن وەبەرهێنانێ كەرتی پێشەسازی و گەشتیارێ و بازرگانی و نشتەجیبوونێ دا هاتینە بجهئینان، ئەو خزمەتا ڤان چوار سالاندا بۆ زاخۆ هاتیە كرن گەلەك مەزن بوویە نوكە ئەو گوهۆرین دیاربوونە و زاخۆ پتر دێ هێتە گوهۆرین د وارێ وەبەرهێنان و ئاڤەدانیێ دا».