هەتا پەکەکە دەست ژ چەکی بەرنەدەت چو ناهێتە کرن
عەبدولقادر سەلڤی شیرەتکارێ بەرێ یێ سەرۆک کۆمارێ تورکیا و نڤیسەرێ ناڤدار یێ وی وەلاتی دیار کر، قۆناغا نها ب رەنگەکێ باش برێڤە دچیت و تورکیا دڤێت د بابەتێ چارەسەرکرنا پرسا کوردی دا ب کریاری گەلەک تشتان بکەت، لێ ئەردۆغان یێ رژدە دڤێت پەکەکە ب فەرمی دەست ژ چەکی بەردەت، هەتا پەکەکە دەست ژ چەکی بەرنەدەت تورکیا بەرهەڤ نینە ژ بۆ چارەسەرکرنا پرسا کوردی چو پێنگاڤان بهاڤێژیت، ئەو یەک بۆ تورکیا هێلا سۆرە.
ناڤهاتی ئەو یەک ژی دیار کریە، دهێتە چاڤەرێکرن هەفتیا بهێت شاندێ ئیمرالیێ جارەکا دی سەرەدانا ئۆجەلانی بکەن و دبیت هەتا نەورۆزێ ئۆجەلان داخواز ژ پەکەکێ بکەت دەست ژ چەکی بەردەن، لێ هەتا نها دیار نینە کا دێ بەرپرسێن پەکەکێ داخوازا ئۆجەلانی قەبوول کەن یان نە، هەتا پەکەکە ب فەرمی دەست ژ چەکی بەرنەدەت تورکیا ژی بەرهەڤ نینە ب کریاری چو تشتەکێ بکەت.
