هەتـا دووماهیا ئەڤ سالە جۆتسایدێ د ناڤ رۆڤیا دا دێ ب دووماهـی هێت
رەمەزان زەكەریا:
جۆتسایدێ د ناڤ سەنتەرێ ناوچەداریا رۆڤیا دا ب گوژمێ پێنج ملیار و 200 ملیۆن دیناران و ب درێژاهیا كیلۆمەترەك و 750 مەتران دهێتە بجهئینان و هەتا سەرێ سالا نوو دێ ب دووماهی هێت و كەڤیتە د خزمەتا گشتی دا.
مەنهەل موافق، رێڤەبەرێ ناوچەداریا رۆڤیا بۆ ئەڤرۆ گۆت: «كاركرن ك پڕۆژەیێ جۆتسایدێ د ناڤ سەنتەرێ ناوچەداریا رۆژڤا دا بەردەوامە و بڕیارە هەتا مەها 12 یا ئەڤ سالە كار تێدا ب دووماهی بهێت و ب كەڤیتە د خزمەتا وەلاتیان دا».
گۆتژی: «هەر ژ دەستپێكا ناوچەداریا رۆڤیا هەتا گوندێ ئێك مالە رێك دێ بیتە جۆتساید و بەرفرەهیا هەردو سایدان ل گەل ناڤبەرا سایدان 25 مەترە و د ناڤبەرا هەردو سایدان ژی دا دار دێ هێنە چاندن، دیسا بیرەكا ئاڤێ بۆ ئاڤدانا داران هاتیە لێدان، پرەكا ئاسنی بۆ دەربازبوونا وەلاتیان د ناڤبەرا هەردو سایدان دا دێ هێتە چێكرن و ستوونێن كارەبێ ژی ل سەر رێكێ دێ هێنە دانان و رێك دێ هێتە رۆهنكرن».
