هەردەم ڤیایە پشتەڤانیا زارۆكان بكەت
زنار تۆڤی:
هەژی جوتیار سەعید، میدیاكارەكێ گەنجە، نوكە د ژیێ سێزدە سالیێ دایە و ل قۆتابخانا هەڤند ل پۆلا نەهێ دخوینیت، د دیدارەكێ دا بۆ رۆژناما ئەڤرۆ دبێژیت: بۆ جارا ئێكێ ل سالا 2019 من پشكداری د شانۆگەریەكێ دا كریە ل سەر پاراستنا ئاڤێ، كو ب سەرپەرشتییا هونەرمەند رێبەر رۆشدی بوو، هەروەسا بەهرەیا راگەهاندنێ ل دەف من هەبوو، پشتی من چەندین تێست كرین، ل دووڤدا داخوازا هونەرمەند رێبەر رۆشدی ئەز برمە وار تیڤی، چەندین تێستێن دیتر ب من كرن، پاشی ئەز بۆ مە پێشكێشكار ل وێرێ و من ( 29) خەلەك ژ بەرنامێ (ل گەل هەژی) پێشكێشكرن، وی بەرنامەی ترس و شەرم ل دەف نەهێلان و وەكر كو ئێدی ترسا ل هەمبەری كامیرێ لدەف من نەمینیت.
ناڤهاتی گۆت: پەیاما من بۆ زارۆك و سنێلان ئەوە، هەكە وان ژی بەهرە هەبن، بلا وان بەهرەیان دەربێخن و شەرم نەكەن، چونكی هەكە مرۆڤ كاری د دەمێ خۆدا نەكەت، دبیت بۆ مرۆڤی ب خرابی ب زڤریت، دیسان من هزرەكا دیتر هەیە و من ل بەرە ل كەنالەكێ دیتر بەرنامەیەكێ چێكەم، هەروەسا كەنالێن مە ژی مفایەكێ باش دگەهیننە زارۆك و سنێلەیان و ئەز حەز دكەم ئەو بەرنامەیێن ئەز پێشكێش دكەم یێ دلخۆشكەر بیت و پشتەڤانییا زارۆكان بكەت.
