هەرمان سالح: پلان ب هەڤكارییا كارگێرییا یانەیێ هاتیە دانان و ڕژدین بۆ ئارمانجا خوە
شاهۆ فەرید:
د داخویانیەكا تایبەت دا كاپتن هەرمان سالح راهێنەرێ تیما یانەیا دهۆك یا پشكدار خولا پلە ئێك یا كوردستانێ بۆ رۆژنامەیا ئەڤرۆ گۆت سوپاسیا كارگێریا یانەیا دهۆك دكەین كۆ ئەركێ تیمێ بمن بەخشی، هەرچەندە یانەیا دهۆك خوە دانم بۆ من نە تشتیەكێ نوویە خزمەتا وێ بكەم، ئەركێ مە یێ ب زەحمەتە سەرەرایی بزاڤێن وەرزێ بوری بۆ سەر ئێخستا تیمێ بۆ پلەیا نایابا كوردستانێ، ئارمانجا مە دەستەكا راهێنەران و كارگێریا یانەیێ ئەوە دووبارە كار بكەین بۆ سەرئێخستنا تیمێ یە، كارگێری هەموو رێكێن بەر مە دا ڤەكرین و هاریكارن و ئەو مەرجێن مە گوتینێ ژ ئینانا یاریزانان و هەرتشتەكێ دی بۆ مە جێبەجیێ بكەن.
زێدەتر ناڤهاتی گۆت ژی: ئەگەر ئارمانجا تە سەركەفتن بن گڤاشتن لسەر تیمێ زۆرن و تایبەت خولا پلە ئێك كو ئێك قووناغە و كارتێكرنێ وان یانەیا دكەن ئەوێن گەلەك خوە ماندی دكەن، داخازیێ ژ فێدراسیۆنا فوتبۆلا كوردستانێ دكەین كۆ شێوازی ب گوهۆڕن بۆ دو قووناغ دا یانە پتر تیمێن خوە بەرهەڤبكەن، ئەگەر ئەنجامێ یارییەكێ نە یا باش بیت یارییا دویێ قەرەبوو ناكەت بەرامبەری هەمان تیمێ، لێ پلان دگەل هەڤكارییا كارگێرییا یانەیێ هاتیە دانان و مە دەست ب بەرهەڤییان كرییە، لەوما ژی ڕژدین بۆ ئێك ئارمانج ئەو ژی سەركەڤینە خولا پلا نایابا كوردستانێ.
ژلایەكێ دووڤە هەرمان سالح ئاریشا مەزنا خولێ یاریزان نینن هەموو چۆنكو دووماهیك خول ئەوە دهێتە ئەنجامدان، هەر یاریزانەكێ باش هەبیت بۆ تیمێن دی دناڤا خولا ئیراقێ و كوردستانێ دكەن، ئەو یاریزانێن ڤە مایی بۆ خولێ دمینن، لێ كارگێریی پەیوەندیێن خوە باشی دەستپێكرینە ل گەل یاریزانان، چەندین یاریزانان ژی دلخوەشیا خوە دیاركریە كۆ یاریێ بۆ یانەیا دهۆك بكەن چۆنكو ناڤەكێ مەزنە تۆ یاریێ بۆ بكەیی، ل ئەڤێ حەفتیێ مە دەست ب بەرهەڤیان كرییە و دەمێ كورتە تنێ هەیڤەك پێشیا مەیە بشێن تیمێ رێكبێخین، دێ هەولدەین هەمی هێز و شیانێن خوە ڤە ئەز و كاپتن ئاشتی موستەفا ئەڤێ تیمێ سەربێخین بۆ پلەیا نایاب.
