هەرێما كوردستانێ دێ كۆپا ئاسیا یا پایسكلان مێڤان كەت
د داخویانیەكێ دا سەرۆكێ فدراسیۆنا ئیراقێ دیار كر ب فەرمی بڕیار هاتیە دان قارەمانییا ئاسیا بۆ یارییا پایسكلان یێن چیایی 2028ێ ل هەولێرێ دێ هێتە كرن دیسان ماراسۆنەكا عەرەبی باژێرێ بەغدا دێ هێتە ئەنجامدان.
زێدەتر عەلی حەمید گۆت: ب دلخوەشیڤە ئەم شیایین ڕازەمەندییا فدراسیۆنا پایسكلان ل ئاسیا وەربگرین ژبۆ مێڤانداریكرنا قارەمانییا ئاسیا ل سەر ئاستێ كوڕان و كچان بۆ بەریكانەیا چیایی ل سالا 2028ێ كو دێ باژێرێ هەولێرێ هێتە كرن، ئەڤچەندە هات پشتی بادەكا ئیراقێ بۆ مێڤانداریێ هنارتی تێدا هەموو خالێن پێدڤی یێن مێڤانداریكرنێ هاتبوونە پەسەندكرن ژ وانا ڕێكا بەریكانێ كو چیایێ گۆنجایی، ژێرخانەیا وەرزشی، ئەڤە ژی بیتە ئێكەمین جار د دیرۆكا وەرزشا پایسكلڤانێن ئیراقێ كو دێ مێڤاندارییا ڤێ قارەمانیێ كەت.
ژلایەكێ دووڤە ناڤهاتی گۆت: دڤێت ئەم سۆپاسییا بەرپرسێن وەرزشی و حوكمی یێن هەرێما كوردستانێ بكەین ژبەركو ب رۆلەكێ كاریگەر و ئەگەرێن سەركەڤتنا ڤێ بادەكا مێڤانداریێ بوون، پێنەڤێت دێ كارەكێ مەزن هێتە كرن كو ب سەركەڤتیانە ژی بڕێڤەچیت، مە یاریزانێن خودان شیان ل سەر هەردو ژییان هەنە تایبەت یاریزانێن مە یێن كوردستانی و د ماوەیێ بهێت دا بەرهەڤیێن لۆجستی و تەكنیكی و هۆنەری هێنە كرن، پێخەمەت بشێن ناڤێ ئیراقێ ل سەر ئاستێ ئاسیا بلند بكەین.
عەلی حەمید ئەوچەندە ژی دیاركر ل دەمێ بهێت دێ ژڤانێ مارەسۆنا عەرەبی هێتە دیاركرن ئەوا بڕیارە ل بەغدا بهێتە كرن كو ئەڤەژی دبیتە ئێكەم ماراسۆنا بڤی شێوەیی ل دەڤەرێ بهێتە ئەنجامدان.
