هەر بەربژارەكێ پێگیریێ ب رێنومایێن باژێرڤانیێ نەكەت پۆستەرێن وی دێ هێنە لادان
رەمەزان زەكەریا:
پشتی بانگەشەیا هەلبژارتنان بۆ خولا شەشێ یا پەرلەمانێ كوردستانێ ل رۆژا 25 ئیلۆنێ دەستپێكری، سەرۆكاتیا باژێرڤانیا ئاكرێ ل گەل لیژنەیێن نەهێلانا زێدەگاڤیان كۆمبوو بۆ وێ چەندێ رێنومایێن وەزارەتا باژێرڤانی و گەشتوگوزارێ یا حوكمەتا هەرێما كوردستانێ بجهبینیت.
سەرۆكاتیا باژێرڤانیا ئاكرێ د كۆمبوونێ دا ئەڤ بڕیارەدان:
1. نابیت وێنە و پۆستەر ل كەسكاتییا د ناڤ پاركان دا بهێنەدانان.
2. نابیت پۆستەر ل سەر دیوارێن سازیێن حكومی، وەكو: (رێڤەبەری، مزگەفت، زانكۆ و قوتابخانەیان) بهێنە دانان.
3. نابیت جهێن شوونەواری بۆ بانگەشەیا هەلبژارتنان بهێنە بكارئینان.
4. هەلاویستنا پۆستەران ل سەر هێمایێن هاتنوچوونێ قەدەغەیە و نابیت بهێنە دانان.
5. نابیت (خیز، چیمەنتۆ، بلۆك) بۆ كەرەستێن بانگەشێ بهێنە بكارئینان.
6. لایەنێن سیاسی نابیت پۆستەرێن بەربژار و پارتێن خۆ ل سەر دیواران ب بزمار و سێكۆتینێ ب هەلاویسن.
7. هەر باژێڕڤانییەك دشێتر ێنومایێن تایبەت بۆ بەرژەوەندیا گشتی دەربێخیت.
8. پشتی بانگەشەیێ هەر بەربژارەك بەرپرسیارە ب ڕاكرن و پاقژكرنا وێنەیێن خۆ.
