هەر تشتەكێ جڤاكێ مە پێدڤی پێ هەیی دێ ل پەرلەمانی كار ل سەر كەین
هەرهین محەمەد:
نزار ئەحمێ حامد، بەربژارێ ژمارە(44) ل سەر لیستا (190) یا پارتی دیموكراتی كوردستان بازنەیێ دهۆك ل ئیدارەیا سەربخۆ یا زاخۆ بەرنامەیێ خۆ بۆ خولا شەشێ یا پەرلەمانێ كوردستانێ ئاشكرا كر و گۆت: ب رێیا پێشكێكرنا پرۆژەیان بۆ حكومەتا هەرێما كوردستانێ و دیتنا باشترین چارەسەریان بۆ وان كێشەیێن هەین دێ كار كەین، بۆ نمونە سێكتەرێ كارەبێ كێماسی تێدا هەنە، دێ كار ل سەر كەین و دیسا دێ كار ل سەر پەیداكرنا دەلیڤەیێن كاری و دامەزراندنا گەنجان كەین و ب چوونا من بۆ پەرلەمانێ كوردستانێ و پێشكێشكرنا پرۆژەیان دەلیڤەیێن كاری بۆ گەنجان پەیدا كەین ب رێیا دانانا كارگەهێن مەزن و گەنج تێدا كاربكەن و رێژا بێكاریێ كێم بیت و بەری بچینە پەرلەمانی ئەم دزانین جڤاكێ مە چ دڤێت و پێدڤی ب چ هەیە دێ كار ل سەر كەین.
ناڤهاتی زێدەتر گۆت: ژلایێ سیاسی و جوگرافی ڤە هەر تشتەكێ بۆ هەرێما كوردستانێ باشە دێ كار ل سەر كەین، چونكو گەلەك گڤاشتن و هەڤڕكی ل سەر هەرێمێ هەنە، ل سەر ئاستێ ئیراقێ و نێڤدەولەتی ئەم دێ كاركەین وەكو پەرلەمانێ كوردستانێ ژ بۆ خورتكرنا پێگەهێ هەرێما كوردستانێ و هەكە پێگەهێ هەرێما كوردستانێ یێ خورت بیت بەرامبەری ئیراقێ ل ئەوی دەمی ئیراق نەشیت فشاران بكەت و مووچەی نەدەت و گیروكەت و ل سەر ئەڤان بابەتان ژی مە گەلەك پرۆژە هەنە و گۆت: من ئەو سۆزە دایە ئەوان كەسان یێ دەنگێ خوە بدەتە من، سۆزدایە هەرتشتەكێ د شیانێن من دا بیت دێ كەم، ئەم وەكو كادرێن پارتی و پارتی ژی حزبەكە ژ بۆ خزمەتا كورد و كوردستانێ و پاراستنا قەوارێ هەرێما كوردستانێ یا گرنگە و من دڤێت بێژم دێ كاری بۆ رێكخستن و سیستەمكرنێ د كابینەیا دەهێ دا كەم و مەزنترین گورز ل گەندەلیێ دەین.
