هەر تشتەكێ… من خوەش بڤێت من ژبەر تەیە
رەمەزان ئیسماعیل
من…
شەڤ دڤێن
پێخەمـەتی شـــەڤبێرییا و
ڕوینشـتنا ل دیـــوانێن تـە
من..
ستێر دڤێن
ژبەر جوانیا نەخشێ ستێرا و
ل بەر چێكەم ستۆڤانێن تە
من..
ڕۆژ دڤێن
دا ببینم جـهێ خـــۆشی و
گۆرانگەه و سـەیرانێن تـە
من..
گول دڤێن
بۆ دیـاریـیـــا ل سەرسـال و
ژدایكبوون و هەلكەڤتێن تە
من…
چاڤ دڤێن
دا سەحكەمە وێنە ونامە و
هەمی پەیڤ و سلاڤێن تـە
من…
هەلبەست و هۆزان دڤێـن
دا بزانم تـەڤ هەستێن تە
من..
بەركـەڤی و زۆزان دڤێـن
ژ بــۆ نـەمانا خەمێن تــە
من…
عـەنبــەر و گــولاڤ دڤێن
ژ بۆی بسك و پەرچەمێن تە
من..
ئـــاواز و ســــــتران دڤـێـن
بۆ نیشـانی وخازگینیێن تـە.
