هەر كارەكێ مرۆڤ حەز ژێ بكەت دێ سەركەڤیت
عەیشا عەجیب:
نوریا عسمەت، ژنەكا دەستڕەنگیا خەلكا زاخۆ یە، دو كاران پێكڤە دكەت، ئەو ژی دیزاینا جلكان و چێكرنا خوارنێن كوردەرواری و ب هەردو كارێن خۆ یا دلخۆشە، چنكو داهاتەك بۆ وێ ژێ دهێت.
ناڤهاتیێ، د دیدارەكێ دا بۆ رۆژنامەیا ئەڤرۆ گۆت: دژیێ (17) سالیێ دا من دەست ب چێكرنا خوارنێن كوردی و شریناهیان دا كرو هەتا نوكە من پشكداری د هژمارەكا فێستیڤال و چالاكیێن جوودا دا كریە، ئەز ل مالا خۆ خوارنان چێدكەم و ب رێكا ئۆنلاین دفرۆشم.
هەروەسا گۆت: ژبلی چێكرنا خوارنان ئەز كارێ دیزاین و دروینا جلكان ژی دكەم و من جهەكێ تایبەت بۆ وێ چەندێ هەیە، هەروەسا من ل بەرە ل سالێن بهێن جهەكێ تایبەت بۆ چێكرنا خوارنێن كوردەواری و شریناهیان ژی ڤەكەم و ئەز گەلەك ب كارێن خۆ یا دلخۆشم، لێ پتر حەزژ چێكرنا شریناهیان دكەم، شیرەتا من بۆ وان كچ و ژنێن بێكار د مال دا ئەوە بلا بهێن بۆ خوە كارەكی بكەن، وەك چێكرنا خوارنان یان شریناهیان و بلا د پشت راستبن هەر كارەكێ مرۆڤ حەزژێ بكەت و دل ل سەر هەبیت بلا پشت راستبیت دێ ب سەركەڤیت.
