هەر كوژیەكێ وەلاتێ مە كەڤالەكە
دلڤین رەشید:
وێنەگر(سروار محەمەد) د دیدارەكێ دا بۆ رۆژناما ئەڤرۆ گۆت: ئەزخەلكێ قەزا شێخانم، هەلگرێ باوەرنامەیا بەكالوریوسێ مە ب زمانێ ئینگلیزی، ئەڤە بۆ ماوێ چەند سالانە وەك وێنەگر دوارێ فۆتۆ و ڤیدیۆیێ دا كاردكەم، كارێ وێنەگریێ ئێك ژحەزێن من بوویە و هەتا نوكە هژمارەكا وێنەیێن جوان یێ سرۆشتێ كوردستانێ من گرتینە و خەلاتێ باشترین فوتۆ ل سەر ئاستێ نافخوی و دەرڤە وەرگرتینە.
ناڤهاتی گۆت: ب رێیا وێنەی مرۆڤ دشێت گەلەك خزمەتا وەلاتێ خوە بكەت، ب نیشادانا سرۆشتێ جوانێ كوردستانێ چنكو هەر كوژیەكا وەلاتی مە كەڤالەكە و ئەم شیاینە ب رێیا ڤان وێنەیان پشكداری هژمارەكا بەریكانەیێن نافخوە و دەرڤەی وەلاتی ببن و مەشیا خەلاتێ باشترین فوتۆ ب وەربگرین وببینە خۆدانێ پلا ئێكی و دویێ و سێ ژی ، ئەڤە ژی جهی شانازی یە بۆ من كوب ڤێ رێیێ خزمەتا وەلاتێ خوە بكەم و بەرێ گەشتیارێن بیانی زێدەتر بدەینە وەلاتێ خوە.
