هەر كۆمپانیەكا ترومبێلان بینیت دڤێت پارچەیێن یەدەك ژی بینیت
دهۆك، دلۆڤان ئاكرەیی:
ڕێڤەبەرێ گشتی یێ بازرگانی ل حكومەتا هەرێما كوردستانێ دیاركر، ئەڤ سالە مەرجەك بۆ كۆمپانیێن ئینانا ترومبێلان هاتیە زێدەكرن، ئەو ژی ئەوە، هەر كۆمپانیەكا ترومبێلێن نوو بینیت، پێدڤیە پارچەیێن یەدەگ ژی ل گەل بینیت، دا كو شۆفێر ب ساناهی پارچەیێن ترۆمبێلێن خۆ ب دەستڤە بینن.
نەوزاد شێخ كامیل، ڕێڤەبەرێ گشتیێ بازرگانی ل وەزارەتا بازرگانی و پیشەسازی بۆ رۆژنامەیا ئەڤرۆ گۆت: «ل 1/11 ژ هەمووسالەكێ، ڕێك ناهێتەدان، ترومبێلا دو مۆدێلان كێمتر بهێتە ژوور، ل سەر وی بنەمایی ژی، ئەڤ سالە ب تنێ رێ ب ترۆمبێلێن مۆدێل 2024 و 2025 و 2026 دهێتەدان، بهێتە د ناڤ هەرێما كوردستانێ دا».
گۆتژی: «ئەڤ سالە ئینانا ترومبێلان ب ڕێكا دەرگەهێن سنۆری یێن هەرێما كوردستانێ، هەڤبەركرن ل گەل سالا بۆری زێدەبوویە، پار 172 هزار ترۆمبێل هاتبوونە ژوور، بەلێ ئەڤ سالە ب تەنێ د یازدە مەهان دا، 167 هزار و 477 ترۆمبێل هاتینە».
نەوزاد شێخ كامیل ئاشكرا ژی كر، د ڕێككەفتنا هەردو وەزارەتێن بازرگانی و پیشەسازی و ناڤخۆ دا كۆمەكا مەرجان بۆ ئینانا ترومبێلان دهێنە دانان. هاتینە دانان، ژ وان: مەرجێ سەلامەتیێ، بن ئاڤ نەكەفتبیت و یا سۆتی نەبیت، یا بڕی نەبیت، بەرێ سالەنسێ ژێ نەهاتبیتە دەرخستن.
