هەر كەسێ چار ستران ژبەركرن بۆ سترانبێژێ داوەتان
هەرهین محەمەد:
سترانبێژ (هونەر بەرواری) د دیدارەكێ دابۆ رۆژنامەیا ئەڤرۆ گۆت: من ل بەرە سترانەكێ كلیپ بكەم، دا ل سالا نوو دا بهێتە بەلاڤكرن، چنكو بۆ ل سالا نوو هەموو سترانبێژ د مژوولن ب ئاهەنگ و روینشتنێن سەرێ سالێ و وێ شەڤی من ژی بەرنامەێی خوە هەیە.
هونەری گۆت: دەواتێن بەری خۆشتربوون ژ یێن نوكە، چونكو كاودان خۆشتربوون و دلێ خەلكی ژی خۆشتر بوو، ل وی دەمی سترانبێژ دكێم بوون و دەوات پتر هەبوون، بەلێ نوكە بەرۆڤاژی یا لێهاتی و هەركەسێ چار ستران ژبەركرن بۆ سترانبێژێ دەواتان و 80%سترانبێژێن نوكە دچنە دەواتان ژنەچارینە و بۆ خوە كریە ژێدەرێ پاریێ ژیانێ 20% دچنە دەواتان سترانان دبێژن حەز ل سەر هەیە و ئەز ژی ئێك ژوانم و داهاتەك ژی دهێت، بەلێ ل نك من ستران و كلیپ و دیدارێن تەلەڤزیۆنی پتر رۆلێ خوە هەیە ژ دەواتان و ئەز و بابێ خوە بەردەوام سترانان پێكڤە ل مال دبێژین، بەلێ چو جاران من و وی ل دەواتان ستران نە گۆتینە.
