هەر كەڤالەك نامەیەكێ دگەهینیت
شاهۆ فەرید:
سەلیم حسێن، شێوەكارەكێ خەلكێ دهۆكێ یە، دەرچوویێ پەیمانگەها هونەرێن جوانە پشكا شێوەكاری یە و نوكە بەردەوامە ل سەر خواندنا خوە ل زانكویێ ل هەمان پشك/قوناغا سێیێ، د دیدارەكێ دا بۆ رۆژنامەیا ئەڤرۆ گۆت: پەیدابوونا هونەری ژیانا من دا ژ نیشكەكێ ڤەبوو، ئێكسەر پێڤە هاتمە گرێدان حەز و ئارەزو هات، دەمێ قوناغا ناڤنجی من زانی پەیمانگەها هونەریێن جوان یا هەی، لەورا من قەستاوێ كر، گەلەك دەلیڤە و سەربۆر دیتن و هونەرێ شێوەكاری گەلەك تشت دە فمن زێدەكرن، ئەڤە ماوەیێ هەشت سالانە دناڤ هونەری دا، تایبەت شێوەكاری و دیتنا من بۆ ژیانێ گۆهارت، هندەك پلان و سەرەدەریێن نوو ل گەل ژیانێ بكەم، هونەر ئێكەم رێخۆشكەرە مللەت پێ ئاڤا دبیت و گرنگە بۆ پێكڤە ژیانێ.
زێدەتر گۆت: كەڤالێن من لایەنێ نەرینیێ زارۆیان دیاردكەت، هەر كەڤالەك نامەیەكێ دگەهینیت، زارۆك گرنگترین بوونەوەرە چاڤدێریا وی بهێتەكرن، بۆ زانین من پشكداری د پێشانگەهەكا هەڤپشكدا كریە ل هەولێرێ، مخابن داخوازی ل سەر كڕینا كەڤالان یا كێمە، هەر كەسەكێ كارێن من دبینیت گەلەك پسیار ل دەف پەید ادبن و دانوستاندنێ دكەین، ئەو كەسێن خولێن شێوەكاری ڤەدكەن بلا ب ئەكادیمیانە فێربكەن و پلانەكا باش بهێتە دانان و دا رێبازا هونەری ل دهۆكێ و كوردستانێ بەر ب پێشڤە بچیت.
