هەر هونەرمەندەكی پەیامەك هەیە
عەزیز هەورامی:
هونەرمەند (هاوكار گولپی) د دیدارەكێ دا بۆ رۆژناما ئەڤرۆ گۆت: ژبەركو هونەرێ شێوەكاری دەربڕینێ ژ ژیانێ دكەت من ئەڤ كارە هەلبژارت و هەتا نوكە یێ بەردەوامم و ب دیتنا من هەر هونەرمەندەكی پەیامەكا هەی و دڤێت یێ شارەزا بیت د گەهاندنێ دا.
هەروەسا گۆت: پەیاما من نیشادانا سروشتێ جوانێ كوردستانێ یە، ب تاییبەت ژی سروشتێ دەڤەرا هەورامان كو د هەموو كەڤالێن خوە ئەز دەربڕینێ ژێ دكەم، هەروەسا دەربڕینێ ژ فولكلۆر و كلتۆرێ ڤێ دەڤەرێ دكەم، بۆ زانین هەتا نوكە من پێشانگەهەكا تایبەت ڤەكریە و پشكداری د چەند پێشانگەهێن هەڤپشك ژی دا كریە، هەروەسا ئەز كەڤالێن خوە ل سۆشیال میدیایێ ژی بەلاڤ دكەم، ئەو ژی وەكو پێشانگەهەكێ نە، چنكو گەلەك بینەر دبینن و هیڤیا من ئەوە پێشانگەهەكێ ل دەرڤەی وەلاتی ڤەكەم.
