هەر ژنەكا حەز ژ گولان بكەت دێ پشتەڤانیا وێ كەم
سندس سالح سلێڤانەیی:
دلبخوین جبرائیل، كچەكا گولفرۆشا خەلكا دهۆكێ یە و قوتابیا پشكا راگەهاندنێ یە، د دیدارەكێ دا بۆ رۆژناما ئەڤرۆ گۆت: حەزژێكرنا من گولان دژیەكێ بچووكدا دەستپێكر و پشتی دەلیڤەهاتی مە جهەكێ تایبەت بۆ خوە ڤەكر و وەك پرۆژە من ل بەرە ل پاشەرۆژێ جهێ خوە بەرفرەهتر لێ بكەم.
ناڤهاتیێ گۆت: ل هەموو هەلكەفت و بیرهاتنان وەك جەژن و سەرسال و رۆژێن ژدایكبووینێ و ئاهەنگێن دەرچۆنێ و شەهیانان و سەرەدانا نەخۆشان بكڕێن گولان یێن هەین، لێ ل رۆژا ڤالانتیاینێ كو ب رۆژا ئەڤینداران دهێتە نیاسین پتر ژ هەر دەمەكی گول دهێتە فرۆتن، ب تایبەت ژی گولێن (رۆز) كو ئەڤیندار دهێن بۆ خۆشتڤیێن خوە دكڕن، بۆ زانین نەبەس ئەم گولان بەرهەڤ د كەین، بەلكو بۆكسێن دیاریان ژی و هەردەم ئەز دبێژم هەموو ئافرەت حەزژ گولان دكەن، هەروەسا كچ ژی و گەلەك ژوان حەزدكەن ڤی كاری بكەن، لێ دەلیڤەیا خوە نابینن، بۆ پاشەرۆژێ ژی من ل بەرە كارێ خوە بەرفرەهتر لێ بكەم و دیكوران ژی چێكەم و دبێژمە هەر ئافرەتەكا حەزا ڤی كاری هەبیت بلا بهێت دێ پشتەڤانیا وێ كەین.
