هەسەدە ب توندی هۆشداریێ ددەتە شامێ
فەرمانداریا گشتی یا هەسەدێ راگەهاند کو کوشتنا ٧ وەلاتیێن سڤیل ل گوندەکێ حەلەبێ دکەڤیتە ژێر بەرپرسیاریا وەزارەتا بەرگریێ یا سووریێ و نابیت وەزارەتا بەرگریێ وەسا نیشا بدەت کو ئەو ل هەمبەر وێ روودانێ بەرپرسیار نینن، ئەو یەک ب چو رەنگەکێ ناهێتە قەبوول کرن.
فەرمانداریا گشتی یا هەسەدێ ئەو یەک ژی دیار کریە، دەمەکە گرۆپێن چەکدار یێن سەر ب تورکیا بزاڤا ڤێ یەکێ دکەن رەوشا ئارام یا ل هندەک دەڤەران ل سووریێ و باکورێ سووریێ ئالۆز بکەن و مخابن شام ژی وەکو پێدڤی کار بۆ پاراستنا وەلاتیێن خوە ناکەت.
ئەڤ داخویانیا هەسەدێ د دەمەکێ دایە کو دوهی ٧ وەلاتیێن سڤیل ل گوندەکێ حەلەبێ ژ ئەنجاما توپبارانەکێ هاتنە کوشتن و وەزارەتا بەرگریێ یا شامێ ژی دوهی د داخویانیەکێ دا دیار کربوو چو پەیوەندیا وان ب وێ روودانێ ڤە نینە و دێ دەست ب ڤەکۆلینەکێ ل دۆر روودانێ کەن.
