هەسەدە دێ بیتە پشکەکا مەزن و بهێز ژ لەشکرێ سووریێ
مەزلوم عەبدی فەرماندارێ گشتی یێ هێزێن سووریا دیموکرات دیار کر، د چەند رۆژێن بهێت دا شاندەکێ هەسەدێ دێ سەرەدانا شامێ کەت، دێ ل گەل وەزارەتا بەرگریێ یا سووریێ دەست ب دانوستاندنان کەن، هەسەدە دێ بیتە پشکەکا مەزن ژ لەشکرێ سووریێ، ئانکو هەسەدە دێ رۆلەکێ سەرەکی د ئاڤاکرنا لەشکرێ نوو یێ سووریێ دا گێریت و دێ دانوستاندن ل گەل شامێ دەستپێ کەن.
فەرماندارێ گشتی یێ هەسەدێ ئەو یەک ژی دیار کر، هەسەدە و هێزێن دژی تیرۆرێ یێن سەر ب هەسەدێ دێ ئێدی ل هەموو سووریێ ب ئەرکێ خوە رابن، ئەو یەک ژ بۆ ئارامیا ل سووریێ ژی گەلەک یا گرنگە، بێگومان هەسەدە دێ ل گۆر تایبەتمەندیا خوە ل گەل وەزارەتا بەرگریێ یا سووریێ کار کەت و وەکو هندەک کەس دبێژن کو دێ هەسەدە نەمینیت، وەسا نینە، بەلکو دێ بیتە پشکەکا هەری مەزن و گرنگ یا لەشکرێ سووریێ.
سەبارەت ب پرسێن سیاسی ژی فەرماندارێ هەسەدێ راگەهاند پشتی بابەتێ هەسەدێ چارەسەر بیت دڤێت لیژنەیا هەڤپشک ژ هەموو هێزێن سیاسی یێن رۆژئاڤایێ کوردستانێ ل گەل شامێ دەست ب دانوستاندنان بکەن و پرسێن هەی چارەسەر بکەن.
