هەسەدە: هێزێن سەر ب شامێ ڤە دبنە ئەگەرێ ئالۆزیان
فەرمانداریا گشتی یا هێزێن سووریا دیموکرات د داخویانیەکێ دا دیار کریە، هێزێن سەر ب شامێ دو رۆژن ب چەکێ گران گوندێن نێزیکی بەنداڤا تشترینێ بۆمباران دکەن و ئەو یەک مەترسیەکا گەلەک مەزن بۆ خەلکێ چەندین گوندان دروست کریە و بوویە ئەگەرێ ئالۆزیان و دڤێت شام رێگریێ ل ئێرشێن گرۆپێن چەکدار بکەت.
هەسەدێ هەروەسا ئەو یەک ژی دیار کریە، ئەڤ ئێرشە د دەمەکێ دانە کو رەوشا هندەک دەڤەرێن دی یێن سووریێ ژی ئالۆزە و شام بەرپرسیارە ژ ئێرشا ڤان گرۆپێن چەکدار، چونکی یێن ئەڤە دو رۆژن ئالۆزیان دروست دکەن ئەو گرۆپن یێن سەر ب شامێ نە.
د داخویانیا هەسەدێ دا ئاماژە ب ڤێ یەکێ ژی هاتیە کرن، کو هەموو هێزێن وان نها د ئامادەباشیێ دانە و دێ بۆ پاراستنا خەلکێ سڤیل یا پێدڤی هێتە کرن و رێ نادەن مەترسی ل سەر ژیانا خەلکێ سڤیل دروست بن.
