هەكار دێوالی: كەس نینە دەستێ هاریكاریێ بۆ مە درێژ بكەت
هەرهین محەمەد:
داخویانیەكێ دا هەكار دێوالی یاریزانێ یانەیا تەناهی بۆ ئەڤرۆ گۆت: ژ زاروكینیا خوە دە‌ست ب یاریێ كرییە ل یانە و گەلەك جهێن دی هەتا نوكە مە چ مفا نەدیتیە بتنێ وەكو خوشیەكێ ژی َدیتیە و چو پێشكەفتن ژی مە بخوە ڤە نە دیتیە ب تایبەت ل دەڤەرا بەهدینان و ئەڤە چار سالە یانەیا مە هاتیە دامەزراندن ئاریشەیا سەرەكی چاوانییا پەیداكرنا پارەیە و كی دێ دەستێ هاریكاریێ بۆ مە درێژ كەت هەتا كو مووچەیێن یاریزانان بدەنێ و هەتا نوكە بەردەوامە، لێ سەرەرای ئەڤان هەمی ئاریشەیان ئەز پەشێمان نەبوویمە، چونكو گەلەك حەز ژ تەپاپێی دكەم و هندی ئاریشەك هاتبیتە د رێیا من دا سەخمەراتی حەزا من بۆ یاریێ من هەمی دەربازكرینە.
هەكاری گۆتژی: یاریزان دچیتە یانەیان داهاتەكێ وەسا نادەنێ پشتبەستنێ ب ئەوی داهاتی بكەت و ژیانا خوە پێ دەربازبكەت و ئەو داهاتێ دەن ژیان و خێزان پێ دەرباس نابنن، ب تایبەت یانەیا تەناهی مە گورەپان نینە و یا زانكۆیێ یە و هندەك جاران دێ چین ئەكادیمی یا تێدا، یان قوتابێن زانكۆیێ دێ یاریێ كەن ب ڤی رەنگی نەشێن راهێنانان و یاریێ بكەین د دەمێ خوە دا و گەلەك جاران دەمژمێرەكێ ماینە ل هیڤیا ئەوان هەتا كو ئەو ب دووماهی دهێت و گورەپان بۆ مە دمینت.
