هەكە تشتەك چوو دناڤ دفنا زارۆی دا دێ چ كەی؟
زارۆ گەلەك لیڤینان دكەن و ژ روودانێن بەربەلاڤ ل دەڤ وان ئەوە دەمێ كەرەستەیەكی بكەنە د دفنێ و گوهی یان دەڤی دا، پێدڤییە دایك و باب دهشیاربن ل زارۆیێ خوە.
دەمێ زارۆ كەرەستەیەكی بكەتە دفنا خوە دا دێ كەتە گری ژ بەر ئێشانێ، دیسان نیشانێن وێ زێدەبوونا رشتنێن ناڤ دفنێ گەلەك جارا خوین یا دگەل و دفنا وی دوەرمیت و شین دبیت، هەروەسان هەودانان ل دەوروبەرێ كونێن دفنێ پەیدادكەت و هەناسەكرنا وی تەنگ دبیت و نەرەحەت دبیت، ئەڤ حالەتە ئاریشێن مەترسی پەیداناكەت، ب تنێ دئێك حالەت دا مەترسی یاهەی ئەوژی كارتێكرنێ ل سەر هەناسەكرنێ و گوهورینا هەوای بكەت ل وی دەمی پێدڤییە بلەز بگەهینە نەخوشخانێ.
ل دەمێ ئەف روودانە بۆ زاروی پەیدادبیت، بزاڤێ نەكە كەرەستەی لابەی یان بینیە دەرڤە، ژبەركو چێدبیت زارۆی ب ئێشینی و كەرەستەی پاشڤە پالدەی، دبیت گەلەك جاران ب چاڤی كەرەستە نەهێتە دیتن و نابیت زوریێ ل زارۆی بكەی، هەتا كو كەرەستەی بینی ل وی دەمی پێدڤییە سەرەدانا نوشدارێن بسپور بكەی ژبو چارەسەركرنا وێ داكو سلامەتیا زارۆیێ تە یا پاراستی بیت.
