هەكە د شیانێن تە دا هەبیت تۆ دشێی ژ من باشتر بكەی
شاكر ئەتروشی:
پێشكێشكار (نیڤین حەسەن) د دیدارەكێ دا بۆ رۆژنامەیا ئەڤرۆ گۆت: من دڤیا دڤێ مەها پیرۆزدا كارەكێ خێرخوازی یكەم، لەورا ئەز رابووم ب چێكرنا بەرنامەیەكێ خێرخوازی كو دكەنالێ من یێ یوتیۆبی دا بەلاڤ دبیت و بۆ ڤی بەرنامەی كۆمپانیەك پشتەڤانیا من دكەت و ئەم شیاینە گۆژمەیەكێ پارەی كۆم بكەین و بدەینە وان كەسان یێن گەلەك پێدڤی پێ هەین، ب تایبەت خێزانێن كێم دەرامەت و دەست كورت.
هەروەسا گۆت: دبیت گەلەك كەس هەبن هەست ب وان كەسان نەكەن، لێ ئەو كەس پشكەكن ژ ژیانا مە و دڤێت ئەم هەموو ب تایبەت ژی زەنگین و خێرخواز وان ژبیرنەكەن، لەورا دەمێ ئەز ڤیدیۆیێن وان كەسێن پێدڤی چێدكەم ب چو شێوازان ناڤچاڤێن وان دیارناكەم، داكو هەست ب چو نەخۆشیان نەكەن و مەرەما ژوێنەكرنێ ئەوە داكو كەسێن حالخۆش و خودان شیان چاڤێكرنێ بكەن و ئەز هەموو دەمان دبێژم شەم نینە تۆ (24) دەمژمێران كاربكەی دا نانەكێ بۆ مالا خوە ب دەست خۆڤە بینی هەتا چەند یێ ب زەحمەت ژی بیت، هەروەسا شەرم نینە هەكە تۆ كەسەكێ هەژاربی و خەلكەك مالێ خودێ بدەتە و تۆ وەربگری، بەلكو شەرم ئەوە تۆ یێ روونشتی بی و دەستێ تە ل سەر زكێ تێر بیت و جارەكا بتنێ ژی هزار كەسەكێ دەست كورت و هەژار نەكەی، لەورا ل دووماهیا هەر ڤیدیۆیەكێ ئەز دبێژم ب هاریكاری و دانا خودێ ئەز شیام گرنژینەكێ بێخێمە سەر لێڤێن زارۆكەكی و هەكە د شیانێن تە دا هەبیت وەك من یان باشتر بكە رێ یا ڤەكریە و هیڤی دكەم گەلەك ژمن باشتر بكەی.
