هەكە رۆژانە مۆزیكێ نەژەنم نوزانم چو كارێن دی بكەم
هەرهین محەمەد:
ژیروان دەرگەلەیی، سترانبێژو لێدەرێ ئامیرێ سازێ، د دیدارەكێ دا بۆ ئەڤرۆ گۆت: مۆزیكا كوردی ب هەر زاراڤەكی بیت كەفتیە دناڤ گیان و ناخێ من دا و مەرەما من ژ ژەنینا مۆزیكێ نەكو دا پێ بەرنیاسبم بتنێ من دڤێت ب رێكا هونەرێ خۆ خزمەتا گوهدار وگەل و وەلاتێ چاندا هونەرێ كوردی بكەم و مۆزیكێ هەموو تشت داینە من و هەكە رۆژانە دەمژمێرەكێ مۆزیكێ نە ژەنم نوزانم چ كارێن دی بكەم و ئەڤ چەندە نە ب من و یا كەڤتیە دناڤ خوینا من دا و ژیانەكا ئارام دایە من ب تابیەتی ئامیرێ سازێ من شیایە روحەكا هونەری پێ دروست كەم دنا ڤ حەزژێكە رو جڤاكی و راستە دبێژن مۆزیك زمانێ هەستانە و هەكە مۆزیك نەبیت دنیا دێ یا تەعل بیت ل بەر مرۆڤی، چونكو مۆزیك گیانێ مرۆڤی ئارام دكەت، لەورا یا گرنگە ئەم هەموو گوهداریا مۆزیكێ بكەین و لێدەرێ سازێ مە، بەلێ ئامیرێ گیتارێ و فلوتێ و كەمانێ و تار و تومبلكێ.
هەروەسا گۆت: ئەز گەلەك حەزژ سترانێن كرمانجی دكەم ب تایبەتی فولكلۆرێ وان و هونەرمەندێن قوتابخانە وەكو تەحسین تاها و ئەیاز یوسڤ من گەلەك گوهداریا وان كریە و نوكە ژی گوهداریا وان دكەم و بۆ من جهێ شانازیێ و رێزێ نە و ژ هونەرمەندێن گەنج ژی گەلەك حەزژ دەنگێ هونەرمەند كاروان كامل دكەم و هەكە دەرفەت هەبا من حەز دكر ل گەل ئەوی من مۆزیكژەنی با و دیسان گوهداریا سترانبێژ رێكێش سەیرانی ژی دكەم.
