هەكە مرۆڤی خەونەك هەبیت پێدڤیە قوربانیێ بۆ بدەت
هیڤی كەریم:
بەختیار سەدیق، گەنجەكێ (25) سالی یە، نوكە رێڤەبەرێ سەنتەرێ بنیاتە یێ نەحكومی، هەروەسا فەرمانبەرە ل رێڤەبەریا لاوان ل پارێزگەها دهۆكێ، ئەو گەنج د دیدارەكێ دا بۆ رۆژنامەیا دبێژیت: دژیێ (18) سالیێ من كار ل گەل رێكخراوێن نەحكومی دەستپێكر و بۆ دەمێ سێ سالان ب خوە بەخشی كاركر و هەتا نوكە من پشكداری د (30) خۆلێن جۆرا و جۆرا دا كریە و د هەر خۆلەكێ دا من گەلەك سەربۆر و پێزانێن باش ژێ وەرگرتینە.
هەروەسا گۆت: د سەربۆڕا من یا دەمێ بۆری دا بۆ من دیاربوو كو هەكە مرۆڤی خەونەك هەبیت پێدڤیە قوربانیێ بۆ بدەت، چنكو كەسێن نڤستی دێ خەون و هیڤیێن وانژی هەر مینە نڤستی، لەورا كارێ خوە بەخش و پشكداریكرن د خۆل و چالاكیان دا دێ بیتە دەرگەهەك بۆ گەهشتنا وان ئارمانجان، لەورا یا گرنگە گەنجێن نوكە بەردەوام كاربكەن دا گوهۆڕینان د مێشكێ خوە دا بكەن و ببنە كەسێن زیرەك و داهێنەر.
