هەكە مرۆڤ كارێ خوە بەخشیێ نەكەت نەشێت چو كارێن دی بكەت
دلۆڤان هالۆ:
ئەڤین سەلیم، قوتابیەكە ل قوناغا پێنجێ ل كولیژا نۆشداری ل زانكۆیا زاخۆ، د دیدارەكێ بۆ رۆژناما ئەڤرۆ گۆت: ل دەستپێكێ من ل رێكخراوەكا نۆشداری دەست ب كارێ خوە بەخشیێ كریە، دووفدا ل كونفرانسێن نوشداری و ل ڤێ دووماهیێ ژی ل كونفرانسێ (تێدێكس) یێ زانكۆیا زاخۆ و هەموو ژی ب خوە بەخشی بوویە.
ناڤهاتیێ گۆت: خوەبەخشی كارەكێ پیرۆز و فەرە مرۆڤ ئەنجام بدەت، چنكو هەستەكێ خۆش و جودا ب مرۆڤی د بەخشیت، ژبەركو مرۆڤ نە خزمەتا خوە دكەت، بەلكو خزمەتا خەلكەكێ دكەت و خێزانا من ژی بۆ ڤی كاری یا هاریكارە، لەورا من دڤێت كارێ خوە بەخشیێ بۆ فەقیر و هەژاران بكەم و هەكە مرۆڤ كارێ خوە بەخشیێ نەكەت نەشێن چو كارێن دی بكەت، لەورا ژ گەنجێن مە كوڕ و كچان داخوازم ب كارێن خوەبەخشیێ خزمەتا خەلكێ خوە بكەن.
