هەكە ژنەكێ بڤێت دوگیان ببیت پێدڤیە ریجێما خوە راوەستینیت
بەرپەرێ ساخلەمیێ:
د. جەنان نوری حەسەن، تایبەتمەندا نەخۆشیێن ژنان و زاڕۆكبوونێ دیاركر گەلەك ژن هەنە ل دەمێ دوگیانیێ دا هەولا خوە زەعیفكرنێ(رجیم) دكەن و خوە ژ هندەك خوارنان دووردئێخن داكو كێشا وان كێم ببیت و گۆت: ب چ رەنگا چێنابیت ژنا دوگیان د دەمێ دوگیانیێ دا ریجێمێ بكەت، چونكی ئەو ب خوە پێدڤی زێدەتر كالوریانە ژبەر دوگیانیێ، ئەگەر ڤیا كێشا وێ بهێتە خار ب تنێ وان خوارنا دێ كێم كەت یێن دبنە ئەگەرێ قەلەویێ وەكی نانێ سپی و برنچ، هەروەسا شرینی، پێدڤیە وان شرینیا هەر بخوت یێن سروشتی وەكی فێقی و هنگڤین، بەلێ كو ب جارەكێ وان خوارنا ڤەبریت دێ زیان بو دوگیانیا وێ هەبن.
تایبەتمەندا نەخوشیێن ژنان و زاڕۆكبوونێ ئەوژی دیاركر كو ئەو ژنێن دڤێت دوگیان ببن و ریجێمێ بكەت پێدڤیە ئەو ریجێما خوە راوەستینیت و پشتی شەش هەیڤان ب دوگیان بكەڤیت داكو ئەو ڤیتامینێن ژدەست داین بو بزڤرنەڤە و دوگیانیەكا ساخلەم بیت، چونكو ئەڤ زاڕۆكە پێدڤی گەلەك جورێن ڤیتامینایە، وەكی ڤیتامین (دی) هەروەسا كالسیومی و ڤیتامین (سی) و گەلەكێن دی كو ئەڤە دناڤا وان خۆارناندا هەنە و پێدڤیە زێدەبكەت .
ل دووماهیێ د. جنان نوری حسن، تایبەتمەندا نەخۆشیێن ژنان و زاڕۆكبوونێ خویاكر پێدڤیە ژنێن دوگیان بەردەوام وان خوارنان بخون یێن تژی ڤیتامین وەكی ڤەخارنا شیری و زەرزەواتی هەروەسا سپیاتیا و هێكا و گوشتی بەردەوام بخۆت دگەل خوارنا فێقی و گۆت: دوگیانیێ دا كێشا لەشی ب خوە زێدەدبیت و ئەگەر كێشا ژنەكێ زێدەنەبوو وی دەمی ئاریشەكا هەی و ژنا دوگیان ژ دەه كیلویا حەتا سێزدە كیلویا زێدەدبیت و ئەگەر كێمتر بوو وی دەمی ئاریشەكا هەی و پێدڤیە خوارنا خوە دروست بكەت.
