هەكە گوندێن كوردستانێ نەبان شۆڕەش بەردەوام نەدبـوو
سالار محەمەد دۆسكی:
2- 6
هەتا جەنازێ برایێ من هاتیە ڕادەستكرن گەلەك ئاخفتنێن كرێت گۆتنێ و هەتا پارێ سندریكێ ژی ژ مالا مە وەرگرتن و دەمێ برایێ من بریە گوڕستانێ دا ڤەشێرن هەر كەسەكێ ل دهۆكێ بابەت زانیبا ل گەل جەنازەی چوو گورستانا تاخێ قەرچان و گورستان تژی خەلك بوو و خەلك گەلەكێ عاجز بوون، گو گەنجەك سەرا گوردینێ هاتیە سێدارەدان و دەمێ تەحسینی ل ئیرانێ بابەتێ سێدارەدانا برایێ من زانی گۆتە محەمەد سەعید كو وی دەمی بەرپرسێ پاراستنێ و هەڤالێن من برایێ من رزگار نوزانیت هیڤی دكەم كەسەك نەبێژیتێ و هەر هەمیان ل من ڤەشارت و بیرا من دهێت شەڤەكێ من خەونەك دیت و من دیت مالا مە هەمی قەرەبالغە و گەلەك مرۆڤ ل مالا مەنە و من نەزانی تازیە یان دەواتە و ڕابووم من گۆت تشتەك ل مالا مە دروست بوویە و هەڤالێن من گۆت خێرە من گۆتێ نوزا تشتەكێ ل مالا مە چێبووی و من خەونەكا نەخوش دیت و ترسم تشتەك ل برایێ من هاتیە و هەڤالێن من هەر ل من ڤەشارت، دوڤدا (رەشید سندی) هات بوومە ئاخفت و گۆت ئەف قوتابیێن دەلیڤە هەبیت بلا بچنە خوارێ و لێبورین هەیە و ئەم حەز دكەین خواندنا خوە تەمام بكەن، چونكە مللەتێ مە پێدڤی ب خواندنێ یە و گەلەك پێشمەرگە و قوتابی ئەڤێن كاودان هەین زڤرین و ل سالا 1977 زڤرینە كوردستانێ ومن قەستا قوتابخانا خوە كر، و قوتابخانێ گۆتە من تو ناهێیە وەرگرتن و گەلەك سال ژ تە چووینە و نەچار بووم چوومە قوتابخانەكا ئێڤاران و هەر كەسەكێ قوتابخانا خوە دەرباز نەكربیت ل ئەوان كاودانان دهاتە خواندنا ئێڤاران ب هەر شێوازەكێ هەبیت من خواندنا خوە ب دووماهی ئینا و من دەست ب وەرزشا خوە هەر كر هەتا بشێم خوە ب گونجینم چونكە كاودان گەلەك نەخوش بوون و پشتی سێدارەدانا برایێ من مالا مە گەلەك كەفتە بن چاڤدێریێ و چوومە ئامادەیا بازرگانی بۆچی چوومە ئامادەیا بازرگانی وی دەمی گۆتن سەربەخو ل ئیراقێ دا نا چ بیت و دڤێت ببنە رێكخستن و من هێجەت گرتن و وەرزشڤانم چ سیاسەتێ نوزانم و گەلەك جاران دا من دەرخن و بتنێ سەربەخو ل ئامادەیێن پیشەسازی و بازرگانی دهاتنە وەرگرتن و ئەڤێن دی دڤێت ببایە بەعسی و گەلەك هەڤالێن من ب تەعدا كربوونە بەعسی و گەلەك جاران ئەم دوانێ دا دەرگەه هاتە قوتان و داخازا من كەن بۆ ژوورا رێڤەبەری و دا چم ئێكێ ئەمنێ هاتیە و دێ داخاز كەت ببە بەعسی و گەلەك نەخوشی بوومە دروستكرن و ئەم هەر ماین سەربەخۆ، هەتا ئەم چووینە سەیرانێن قوتابیان جارەكێ ئەم چووینە سەیرانەكێ ل ئاكرێ ل گەل هەڤالێن هەستا نەتەوەیی ل دەف هەین وەك (كەمال بادی، عەبدوللا بادی، محمەمەد بادی) گەلەكێن دی و ئەڤە هەمی ب زوری ببوونە بەعسی بەلێ دلێ من نەدگرت و نەشیام و ئەگەر ببامە بەعسیی لدیف داخوازا وان چ نەبوو وەكی هەمی هەڤالێن خوە نەچاری بوو بەلێ من هەر خوە ڕاگرت، دەمێ مە ستران گۆتن چاڤدێریا مە دهاتەكرن و دا بێژن ئەو چ ستران بوو هەوە دگۆت؟ مە ژی گۆت ئەڤە بەحسێ ئەڤینیێ یە و هوسا كچ ب كوری دبێژیت وەك سترانێن (تحسین تاهای) بڤی رەنگی مە خوە قورتال دكر، (مامەند) خودێ ژێ رازیبت ل گەل مە بوو لژنا ئاشتی ونەچار ب بوو بەعسی ئەوی بەرەڤانی ژ مە كربوو و گۆت كارێ خوە بكەن و ئەگەر گازی كرە هەوە بەرەڤانیێ ژ خوە بكەن و بگشتی ئەم بەردەوام بن چاڤدێریێ بووین و تایبەت ئەندامێن مالامە.
هەمان پێشمەرگەیێ شۆڕەشا گولانێ ئەو ژی ئاشكراكر كو ل شۆڕەشا گولانێ و دەمێ قوتابی ل قوناغا ئامادەیا بازرگانی دووبارە دەست ب رێكخستێ كر ل سالا 1979 ب رێك سەركردێ شەهید (محەمەد سالح بوتی) و (عەمەر باجلوری) ژی ل گەل بوو و من گۆتێ برا حەز دكەم رێكخستنا مە نە شانەبیت چونكە برایێ من هاتە ئاشكراكرن، و هەر توڕا رێكخستنێ شاهدەیی ل سەر دا و هاتە سێدارەدان و من گۆتێ دێ چەوا شێم پەیوەندیێ، تاكە كەسی ل گەل هەوە كەم وی دەمی پەیوەندیێن تاكە كەسی ژی هەبوون و (ئازاد) برایێ وی ل ڤێرە بوو و گۆتە (عەمەری) و سالا 1980 من خواندنا خوە ب دووماهی ئینا و وی دەمی (محەمەد سالح بوتی) ل چیایی بوو و (زێرەڤان كوڤلی، عیسی زێوەی) ئەڤە ل دەڤەرێ بوون و ئەڤە بەرپرسێ مە بوون و من گلەك هزرێن خوە كرن و من بەرێ خوە دایێ ئەڤە بەلاخوە ژ مە ڤەناكەن و شەرێ ئیراق و ئیرانێ ژی دەست پێكر بوو وی ماوەی گەلەك سترانێن شڤان پەروەری بەر بەلاف بوون و هەتا جارەكێ ئەز كەفتمێ ژی بەلێ شیام خوە دەرباز بكەم، دەمەكی فەرمانبەر بووم ل رێڤەبەریا ئاڤەدانیێ ل دهۆكێ وی دەمی كاسیتێن شڤان پەروەر ب رێكا شوفێرێن توركا بوومە دهاتن و مە بەلاڤەدكرن و ئەز ل ژوورا خوە بووم ل رێڤەبەریا ئاڤەدانیێ و مسەجلەكا بچوویك من هەبوو و كەسەكێ گەرماڤی هەبوو هەڤالێ من بوو ناڤێ وی (بەیتار) بوو مالەكا كورد پەروەر بوو و مە پێكڤە گوهداری دكر و دەمێ كاسێت بوومە دهات من دكرە دگورا خوە دا و تینا و ئەگەر تو گرت بای ئێكسەر سێدارەدان بوو چونكە گەلەك سەرا سترانێن شڤان پەروەری هاتینە سێدارەدان وی دەمی شڤان پەروەری گەلەك كارتێكرن ل سەر گەنجان و خەلكی بگشتی هەبوو وێ كاسێتێ گەلەك خەلكێ مە هشیار كر و ژ سالا 1976 دەمێ شۆڕەشا گولانێ دەستپێكری و هاتنا پێشمەرگەی بۆ دەڤەرێ و ل گەل سترانا شڤانی كارتێكرن زێدەتر هەبوو و ئەگەر گوتبا ئەڤێ بەلاڤووكێ بەلاف بكەن و رەنگە كاسێت مە بەلاف كربا كاسێتێ زێدەتر كارتێكرن ل سەر خەلكێ مە بگشتی هەبوو و زێدەتر هەستا نەتەوەیی بلند بوو، دەمێ من و (بەیتار گەرماڤی) گوهداری یا سترانێن شڤانی ل ژوورا خوە یا فەرمانگەهێ دكر ئێك هەبوو دگۆتنێ(سەمیر رەشید) خەلكێ قەلادزێ بوو و مالا وا بن مالێن مە دا بوو ل گرێ باسێ وی ژی چاڤدێری یا من دكر، ئێكی دگۆتنێ (حەسەن) ئەفسەرێ ئەمنێ یێ فەرمانگەها مە بوو و گەلەك چاڤدێریا من دكر و من خوە ب سەر ڤە لێ نەدا و من خواند و خوارن خوار و دەمكی من دیت ئەو كور ئێكسەر هاتە ژوور و ئەم یێ گوهداریا سترانێ دكەین و هات مسەجل ڤەمراند و نەزانی ئەم یێ گوهداری یا چ دكەین و سلاڤ كر و مە گۆتێ كەرم كە و ئێكسەر چوو و دەمێ چوویی من گوتە(بیتار) ئەڤە دێ دچیت بێژیتە ئەفسەرێ ئەمنێ و ئێكسەر مە كاسێت ژ بەر ئینا دەر و (بەیتاری) كرە دگورا خوە دا و دەستیردان وەرگرت و ئەو كاسێت ژ فەرمانگەهێ دەرخست و گۆت نوكە دێ زڤرم و ئەم شنی ئارام بووین و بەلاڤبووك و پەیرو و پرۆگرام هەر تشتەكێ گرێدایی حزبێ دگەهشتە مە و مە دخاند و داف هەڤالێن مە باوەری پێ هەین چونكە ئەگەر تو هاتبایە گرتن ئێكسەر سێدارەدان بوو.
