هەكە گوندێن كوردستانێ نەبان شۆڕەش بەردەوام نەدبـوو
سالار محەمەد دۆسكی:
3- 6
رزگار كەمەكی، زێدەتر گۆت: دەروونێ من گەلەك نەخوش بوو ژ بەر وێ چاڤدێریا زور ل سەر مالا مە من كاك (محەمەد سالح بوتی) ئاگەهدار كر كو دێ گەهمە ناف شورەشێ وی گۆت نەهێ تو قوتابی و شەرێ پارتیزانی یە و باشترە تو دناف باژێری دا بی و من گۆتێ چاڤدێری ل سەر من هەیە و دێ هێمە گرتن و سێدارەدان و من گۆتێ دێ هێم و ئەز چوومە ناف شورەشێ و كاك (ئازادی) نامەكا بچوویك بۆ كاك (محەمەد سالح بوتی) نڤێسی و رادەستی من كر و من پێچا و گۆت دێ دەیە (محەمەد سالح بوتی) و من گۆت دێ چەوا ڤێ نامێ ژ زالگەهێ دەربازكەم چونكە ئێكێ ئەمنێ هەبوو دگۆتنێ( مەئمون) هەمی گاڤا ل زالگەها بوو و مرۆڤ نیاسی و گەلەك پرسیار و دیفچوونكرن و بەری بچم من ئەو نامە كرە دورا خوە دا و دانا بن پێ خوە و من گۆت خوە ناترسینم دا چ هزرا نەكەت و ناسناما من یا قوتابینیێ و یا كەسایەتی ژی ل گەل من بوو و من گۆت ئەگەر پرسیار كر دێ بێژم قوتابخانە ب دووماهی هاتیە و دێ چمە مالا خالێت خوە ل (ئەلندكێ) دێ چەند رۆژا مینم و ڤەگەرمە مال و ئەم چووینە زالگەها گەلیێ دهۆكێ(مەئمون) وێرێ بوو و ئەم دەرباز بووین و ئەم چووینە (كەمەكا) و دەمێ ئەم چووین زاڤایێ مە دبێژنێ(حازم مەجلمەختی) ئەز و كور خالێ خوە كورێ (ملا محەمەدی) نوكە ئەو ژی كارگێرێ لژنا ناوچا سێمێلێ یە ئەم پێكڤە چووین و زالگەهێ پرسیار شوفێری كرن و گۆتێ چمە مانگێشكێ ئەڤە ژی دێ چنە ناف مرۆڤێن خوە و ئەم پشكنین نەكرین و ئەم دەرباز بووین و ئەم گەهشتینە گوندێ (بانسورا) مە گۆتێ راوستە و ئەوی ژی گۆت ئەڤە رێكا هەوە و ئەم چووینە دەف خالێن خوە و ئەم چووینە مالا كور خالەتێ خوە خودێ ژێ رازی (سالح شاوریكی) ئەم چەند شەڤان ماینە ل وێرێ و من پرسیارا مەفرەزێن پێشمەرگەی كر و گۆت كور خالەت دهێن بەلێ جار جار و بەرزەنە و زی ب زی خوە دیار ناكەن، و دووڤدا ئەم چووینە دەف خالێن خوە ل گوندێ (ئەلندكێ) ئەم چەند رۆژا ماینە ل وێرێ و هوسا دیار بوو خالەكێ من ژی هاتبوو رێكخستن دناڤ رێزێن پارتی دا بەلێ ل گوندی بوو و ئەوی هاتن و چوون دكر بۆ دهۆكێ و ئەوی گۆت دێ زانم پێشمەرگە ل كیڤە نە و دێ بۆ هەوە پەیدا كەم و رۆژەكێ گۆت دێ چمە ناف چەمی و زڤری و هات گوت وەرە من (محەمەد سالح بوتی) دیتیە و وەرە وە بگەهینمێ و ئەم چووین زێرەڤانەكێ ل سەری و زێرەڤانەكێ ل خوارێ و ئەوێ ل خوارێ هاتە بەراهی یا مە و ئەم دەرباز بووین و چووینە دەف خودێ ژێ رازی (محەمەد سالح بوتی) گۆت تو هەر هاتی من گۆتێ گەلەك نەخوش بوو و گەلەك گڤاشتن و دیفچوون ل سەر من هەبوو و هاتنا من بۆ شۆڕەشێ هەر خەباتە و دێ شەران و هەر تشتەكێ هوون پێدڤی بن دێ ل گەل هەوە دابین و ئەم ماینە ل گەل و بەردەوام ئەم چووینە گوندان و تشت نیشا مەدان وی دەمی بەرەی جوت زی ل گەل مە بوو و بتنێ ژ چار پارتێن سیاسی پێك دهات و بەرەی كوردستانی ژی هەبوو بەلێ پتر ل دەڤەرێ ئەم و حزبا شوعی ل گەل ئێك دا بووین و هوسا بۆ خەلكی دهاتە دیاركرن ئەم هەر دخەباتێ داینە و یێ شورەشێ دكەین و سەركردێن مە هەر دخەباتێ دانە و مالا بارزان هەرا هەی و یێ قوربانیێ بۆ ڤی مللەتی دەن و مانا پێشمەرگەی ل چیا و چالاكیێن ناڤخو و پارتیزانی پەیامەك بۆ بۆ دوژمنی و خەلكێ كوردستانێ كو شۆڕەش هەیە وی دەمی مە چ چەكێن پێشكەفتی نەبوون و ماوەكێ درێژ ئەم ب دەستان بووین هەتا مە بخوە چەك پەیدا كری و هندەكا بخوە كرین و هندەك ژی مە ژ رەبیێن دوژمنی ستاندن وە و گەلەك خەلكی بخوە كرین و ئەم پێشمەرگە بووین ل دەڤەرێ ماوەكی ماین رۆژەكێ (محەمەد سالح بوتی) گۆتە من تو خوان باوەرنامەی و زیرەكی ئەگەر بچنە بارەگایێ سەرەكی ل كوماتەی دێ بووتە باشتر بیت و خولێن كادرا دهێنە ڤەكرن و پتر دێ رۆلێ خوە بینی و بەری مە ژی چەندین رێكخستنێن نهێنی ل دهۆكێ ئاشكەرا ب بوون و ئەو ژی چووبوونە كوماتەی و رێك گەلەك یا بزحمەت بوو و رەبیە هەبوون و ئەلغام هەبوون و گەلەك جاران كەمینە دهاتنەدانان و قوناغەكا درێژ بوو هەتا مرۆف بگەهیتە كوماتەی و بەری بچینە كوماتەی (محەمەد سالح بوتی) نامەك بوومن نڤێسی بووی و تێدا دیاركربوو كو ئەز رێكخستیێ وانم و مالەكا كورد پەروەر و خودان دو شەهید و لژنا ڤەكولینێ پێشوازی من كر وی دەمی هەر كەسەكێ هاتبا ناف پێشمەرگەی دڤێت شەش هەیڤان ل ژوورەكێ با وی دەمی ئەرزاق گەلەكێ كێم بوو و گەلەك بزحمەت ئەرزاق گەهشتە پێشمەرگەی رەبیا و كەمینا و ئەلغاما و یا بزحمەت بوو گۆتە من سێ جه هەنە تە ل كیڤە ڤێت دێ تە ل وێرێ دانین و هەڤالێن تە دێ چنە وێ ژوورێ وەكی هەر كەسەكی، گۆت ئێك (ئیسنادە) وی دەمی بەرپرسێ وێ رێكخراوێ(ئیشو) بوو كەسەكێ مەسیحی بوو، گوت ژی تە ڤێت كارگێریا لقێ پێنوس و كوپیكرن و گەلەك پشكێن دی ژی هەبوون و گۆت تە دڤێت ژی بەر زیندانێ و خودێ ژێ رازی ئیبراهیم عەسكەر رێڤەبەرێ زیندانێ بوو، ئیبراهیم عەسكەر ئەندامێ رێكراوا شەهید زورابی بوو و تاهر هروری بەرپرسێ كارگێریێ رێكخراوا شەهید زورابی بوو و چەند هەڤالێن دی ژی ل گەل مە بوون و بەرپرسێ زیندانێ گۆت من پێدڤی ب كەسەكێ زانا و دەرچوو وەكی تە هەیە و ئەڤە گۆتنێن (ئیبراهیم عەسكەری) بوون خودێ ژێ رازی بیت كورد پەروەرەكێ زێدە زێدە زیرەك بوو و ئەوی گۆتە من وەرە رێكخستنا زیندانێ و خشتێ بەردانا زیندانێ و زێرەڤانیێ دروست بكە و من ژی هزرێن خوە كرنە ئەف كارە ژ هەمی كاران بوومن باشتر بوو و هەر كەسەكێ سەردانا زیندانێ بكەت و كەسێن ب چەك نابیت بهێنە ناڤ زیندانێ و سەرپەرشتیا زیندانێ بگشتی من وەرگرت و هەمی گاڤا تورك دهاتنە سەر بارەگایێ مە و مە پەكەكە خودان كر و مخابن مە گەلەك هاریكاری بۆ دكر و دوماهیێ چ ل مەكر و هەر دەم دهاتنە سەر بارەگایێ مە و راستی گەلەك یا بزحمەتە تو بەردەوام وەلاتان راوستی وەكی توركیا و یراقێ بەلێ ئیرادا مە وەك پێشمەرگە و گەنج گەلەك یا بهێز بوو و باوەر بكە مە چ هزر بۆ كەسێ نەدكر و مە چ جارا هزرا كوشتنا خوە نە دكر.
